ନୂଆଦିଲ୍ଲୀ: କେନ୍ଦ୍ର ସରକାର ସୋମବାର ରୁଷ ଦ୍ୱାରା ବିକଶିତ କରୋନା ବିରୋଧୀ ଟିକା ସ୍ପୁଟ୍ନିକ ଭିର ଜରୁରୀକାଳୀନ ବ୍ୟବହାରକୁ ଅନୁମୋଦନ କରିଛନ୍ତି। କୋଭିଶିଲ୍ଡ ଏବଂ କୋଭାକ୍ସିନ ପରେ ଏହା ଭାରତ ଦ୍ୱାରା ଅନୁମୋଦିତ ତୃତୀୟ ଟିକା।
ହାଇଦ୍ରାବାଦ ସ୍ଥିତ ଫାର୍ମାସ୍ୟୁଟିକାଲ୍ କମ୍ପାନୀ ଡ ରେଡ୍ଡୀଙ୍କ ଲାବୋରେଟୋରିଜ୍ ଗତ ସପ୍ତାହରେ ଭାରତରେ ଏହି ଟିକା ବ୍ୟବହାର ପାଇଁ ସରକାରଙ୍କ ଅନୁମୋଦନ ଲୋଡିଥିଲା।
ଭାରତରେ ସ୍ପୁଟ୍ନିକ ଭି ର କ୍ଲିନିକାଲ୍ ପରୀକ୍ଷା କରିବା ପାଇଁ ରୁଷିଆର ପ୍ରତ୍ୟକ୍ଷ ବିନିଯୋଗ ପାଣ୍ଠି (RDIF) ଡକ୍ଟର ରେଡ୍ଡୀଙ୍କ ସହ ସେପ୍ଟେମ୍ବର ୨୦୨୦ ରେ ସହଯୋଗ କରିଥିଲା। ତଥ୍ୟ ଅନୁଯାୟୀ ରୁଷିଆର ସ୍ପୁଟ୍ନିକ ଭି ଟିକା ୯୧.୬ ପ୍ରତିଶତ ପ୍ରଭାବଶାଳୀ।