ଭୁବନେଶ୍ବର: ଶକ୍ତିଙ୍କ ଆରାଧନାର ପର୍ବ ନବରାତ୍ରୀ ଆଜିଠାରୁ ଆରମ୍ଭ ହେବାକୁ ଯାଉଛି। ଅର୍ଥାତ୍ ଚୈତ୍ର ନବରାତ୍ରୀ ୩୦ମାର୍ଚ୍ଚରୁ ଆରମ୍ଭ ହେଉଛି, ଯାହା ୬ଏପ୍ରିଲରେ ଶେଷ ହେବ । ଏହା ଚୈତ୍ର ଶୁକ୍ଲା ପକ୍ଷ ପ୍ରତିପଦା ତିଥିରୁ ଆରମ୍ଭ ହୁଏ । ଏଥିସହ ହିନ୍ଦୁ ନୂତନ ବର୍ଷ ଚୈତ୍ର ନବରାତ୍ରୀ ଠାରୁ ଆରମ୍ଭ ହୋଇଥାଏ । ନବରାତ୍ରୀର ଏହି ନଅ ଦିନରେ ଦେବୀ ଦୁର୍ଗାଙ୍କର ନଅ ରୂପଙ୍କ ପୂଜା କରାଯାଏ।
ଚୈତ୍ର ନବରାତ୍ରୀରେ ମା ଦୁର୍ଗାଙ୍କୁ ପୂଜା କରିବା ଏବଂ ଉପବାସ କରିବା ସହିତ ଦାନ କରିବାର ମଧ୍ୟ ମହତ୍ତ୍ବ ରହିଛି। ବିଶ୍ୱାସ କରାଯାଏ ଯେ, ଯିଏ ନବରାତ୍ରୀ ସମୟରେ ଦାନ କରେ, ତାଙ୍କ ଜୀବନରେ ସୁଖର ବର୍ଷା ହୋଇଥାଏ । ତେବେ ଆସନ୍ତୁ ଜାଣିବା ନବରାତ୍ରୀର ପ୍ରଥମ ଦିନରେ କେଉଁ ଜିନିଷ ଦାନ କରାଯିବା ଉଚିତ୍..
କଦଳୀ: କଦଳୀ ଦାନ କରିବା ହିନ୍ଦୁ ଧର୍ମରେ ଅତ୍ୟନ୍ତ ଶୁଭ ଏବଂ ଲାଭଦାୟକ ବୋଲି ବିବେଚନା କରାଯାଏ। ନବରାତ୍ରୀର ପ୍ରଥମ ଦିନରୁ ନଅ ଦିନ ମଧ୍ୟରେ କଦଳୀ ଦାନ କରାଯିବା ଉଚିତ୍ । ନବରାତ୍ରୀ ସମୟରେ କଦଳୀ ଦାନ କରିବା ଦ୍ୱାରା ଘରେ ସୁଖ ଏବଂ ସମୃଦ୍ଧି ଆସିଥାଏ ।
ଫଳ ଓ ମିଠା: ନବରାତ୍ରୀ ସମୟରେ ଫଳ ଏବଂ ମିଠା ଦାନ କରିବା ଅତ୍ୟନ୍ତ ଶୁଭ । ନବରାତ୍ରୀ ସମୟରେ ଫଳ ଏବଂ ମିଠା ଦାନ ପ୍ରଥମ ଦିନରୁ ନଅ ଦିନ ପର୍ଯ୍ୟନ୍ତ କରାଯାଇପାରିବ ।
ନାଲି ଚୁଡି ଓ ନାଲି ବସ୍ତ୍ର: ବିବାହିତ ମହିଳାମାନେ ନବରାତ୍ରୀର ପ୍ରଥମ ଦିନରେ ନାଲି ଚୁଡି ଦାନ କରିବା ଉଚିତ୍ । ଅଷ୍ଟମୀ କିମ୍ବା ନବମୀ ତିଥିରେ ଛୋଟଝିଅମାନଙ୍କୁ ଭୋଜନ କରାନ୍ତୁ ଓ ଏହାପରେ ସେମାନଙ୍କୁ ନାଲି ରଙ୍ଗର ଚୁଡି ପିନ୍ଧେଇ ଦିଅନ୍ତୁ । ଏପରି କଲେ ମା’ ପ୍ରସନ୍ନ ହୁଅନ୍ତି । ଏହା ବ୍ୟତୀତ ନାଲି ବସ୍ତ୍ରର ଦାନ କରାଯିବା ଉଚିତ୍ । ଗରିବ ଲୋକଙ୍କୁ ଖାଦ୍ୟ, ବସ୍ତ୍ର ଏବଂ ଅନ୍ୟାନ୍ୟ ଜିନିଷ ଦାନ କରାଯାଇପାରିବ ।
Comments are closed.