ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରାନାୱତ ତାଙ୍କ ବିବାଦୀୟ ମନ୍ତବ୍ୟକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି । କିନ୍ତୁ ଏଥର ବଲିଉଡର ବିବାଦୀୟ ରାଣୀ ତାଙ୍କ ଆଗାମୀ କମେଡି ଫିଲ୍ମ ‘ଚନ୍ଦ୍ରମୁଖୀ ୨’କୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ଏହି ଫିଲ୍ମର ଟ୍ରେଲର ରବିବାର ରିଲିଜ୍ ହୋଇଯାଇଛି । ଏହି ଟ୍ରେଲରକୁ ଦେଖିବା ପରେ ଦର୍ଶକ ଖୁବ୍ ପସନ୍ଦ କରିଛନ୍ତି ।
ଚେନ୍ନାଇରେ କଙ୍ଗନା ଏବଂ ରାଘଭା ଲରେନ୍ସଙ୍କ ବହୁପ୍ରତିକ୍ଷୀତ ଫିଲ୍ମ ‘ଚନ୍ଦ୍ରମୁଖୀ ୨’ର ଟ୍ରେଲର ରିଲିଜ୍ ହୋଇଥିଲା । ଏଥିରେ ସେ ରାଜାଙ୍କ ଦରବାରରେ ଜଣେ ନୃତ୍ୟଶିଳ୍ପୀ ଭୂମିକାରେ ଅଭିନୟ କରିଛନ୍ତି କଙ୍ଗନା । ଯିଏ ନିଜର ସୌନ୍ଦର୍ଯ୍ୟ ଏବଂ ନୃତ୍ୟ ଦକ୍ଷତା ପାଇଁ ରାଜ ଦରବାରରେ ପରିଚିତ । ‘ଚନ୍ଦ୍ରମୁଖୀ ୨’ରୁ ଅଭିନେତ୍ରୀଙ୍କ ପ୍ରଥମ ଲୁକ ଅଗଷ୍ଟ ୫ରେ ମୁକ୍ତିଲାଭ କରିଥିଲା । ଦର୍ଶକ କଙ୍ଗନାଙ୍କ ଚନ୍ଦ୍ରମୁଖୀ ଲୁକ୍କୁ ବହୁତ ପସନ୍ଦ କରିଥିଲେ । କଙ୍ଗନା ନିଜର ଚିତାକର୍ଷକ ଅଭିନୟ ପାଇଁ ସର୍ବଦା ସମସ୍ତଙ୍କ ହୃଦୟ ଜିତିଥାନ୍ତି ।
ଏହି ଫିଲ୍ମ ଆସନ୍ତା ଡ଼ିସେମ୍ବର ୧୫ ତାରିଖରେ ରିଲିଜ୍ ହେବ । ଏଥିରେ କଙ୍ଗନାଙ୍କ ବ୍ୟତୀତ ରାଧିକା ଶରଥକୁମାର, ଭାଦିଭେଲୁ, ଲକ୍ଷ୍ମୀ ମେନନ, ମହିମା ନାମ୍ବିଆର, ସୃଷ୍ଟି ଡାଙ୍ଗେ, ରବି ମାରିଆ ଏବଂ ସୁରେଶ ମେନନ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି ।
Comments are closed.