ରାୟପୁର: ସକାଳୁ ସକାଳୁ ମର୍ମନ୍ତୁଦ ସଡକ ଦୁର୍ଘଟଣା । ପୋଖରୀକୁ ଓଲଟିଲା ଏସୟୁଭି । ଘଟଣାସ୍ଥଳରେ ମହିଳା ସମେତ ୬ ଜଣଙ୍କର ମୃତ୍ୟୁ । ଛତିଶଗଡର ବଳରାମପୁର ଜିଲ୍ଲାରେ ଘଟିଛି ଏହି ଅଘଟଣ । ଦୁ୍ର୍ଘଟଣାରେ ୬ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି । ଆହତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ମୃତକଙ୍କ ଶରୀରକୁ ବ୍ୟବଚ୍ଛେଦ ପାଇଁ ପଠାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ଗତକାଲି ରାତି ପ୍ରାୟ ୮.୩୦ରେ ବଳରାମପୁର ଜିଲ୍ଲାର ଲରିମା ଗାଁର ବାସିନ୍ଦା ଏକ ଗାଡିରେ ଅନ୍ୟ ଏକ ସ୍ଥାନକୁ ଯାଉଥିବା ବେଳେ ବଳରାମପୁରର ରାଜପୁର ପୋଲିସ ଷ୍ଟେସନ ଅନ୍ତର୍ଗତ ବୁଦ୍ଧ ବାଗିଚା ମୁଖ୍ୟ ରାସ୍ତାରେ ଗାଡିଟି ଟର୍ନ ନେଉଥିବା ବେଳେ ନିୟନ୍ତ୍ରଣ ହରାଇ ପୋଖରୀରେ ଖସିପଡିଥିଲା। ଫଳରେ ଗାଡିରେ ଯାତ୍ରା କରୁଥିବା ୬ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଡ୍ରାଇଭର ଜଣଙ୍କ ଆହତ ହୋଇଛନ୍ତି । ଆହତ ଡ୍ରାଇଭରକୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଛି। ମୃତକଙ୍କ ମଧ୍ୟରେ ୪ ଜଣ ପୁରୁଷ, ଜଣେ ମହିଳା ଏବଂ ଜଣେ ଝିଅ ଥିବା ନେଇ ସୂଚନା ମିଳିଛି । ଜେସିବି ସାହାଯ୍ୟରେ ଗାଡିଟିକୁ ପୋଖରୀରୁ ବାହାର କରାଯାଇଥିବା ବେଳେ ପୋଲିସ ଘଟଣାର ତଦନ୍ତ କରୁଛି।
Comments are closed.