ସିଏଏକୁ ନେଇ ମୋଦୀଙ୍କ ଉପରେ ବର୍ଷିଲେ ଚିଦାମ୍ବରମ

ଚେନ୍ନାଇ: ନାଗରିକ ସଂଶୋଧନ ଆଇନକୁ ନେଇ ଦେଶବ୍ୟାପି ବିରୋଧ ପ୍ରଦର୍ଶନ ଜାରି ରହିଛି । ଏହାକୁ ନେଇ କଂଗ୍ରେସର ବରିଷ୍ଠ ନେତା ପି ଚିଦାମ୍ବରମ ମୋଦୀ ସରକାରଙ୍କ ଉପରେ ବର୍ଷିଛନ୍ତି । ସିଏଏକୁ ନେଇ ସେ କହିଛନ୍ତି ଏହା ଇସଲାମିକ୍ ଓ କେନ୍ଦ୍ର ସରକାର ଭିତରର ଯୁଦ୍ଧ ନୁହେଁ । ବରଂ ଭାରତର ଜନସାଧାରଣ ଏବଂ ବିଜେପି ମଧ୍ୟର ଯୁଦ୍ଧ । ବିଜେପି ଅର୍ଥବ୍ୟବସ୍ଥାକୁ ନେଇ ଆଲୋଚନା କରିବା ବଦଳରେ ସିଏଏ ଏବଂ ଏନଆରସି କଥା କହୁଛି । ସିଏଏ ଆଇନକୁ ଚିଦାମ୍ବରମ ପରୋକ୍ଷରେ କଟାକ୍ଷ ମଧ୍ୟ କରିଛନ୍ତି । ଏପରିକି ଚିଦାମ୍ବରମ କହିଛନ୍ତି, ଭାରତ ଗସ୍ତରେ ଆସୁଥିବା ଆମେରିକା ରାଷ୍ଟ୍ରପତି ଡ଼ୋନାଲ୍ଡ ଟ୍ରମ୍ପଙ୍କୁ ମୋଦୀ ପଚାରନ୍ତ. ଆସାମରୁ ୧୯ ଲକ୍ଷ ଲୋକଙ୍କୁ ପ୍ରତ୍ୟର୍ପଣ କରିବା ସମ୍ଭବ କି ନାହିଁ । ଚେନ୍ନାଇରେ ସିଏଏ ବିରୋଧୀ କାର୍ଯ୍ୟକ୍ରମରେ ଯୋଗଦେଇ ଚିଦାମ୍ବରମ କିଛି ଏଭଳି କହିଛନ୍ତି ।