ପ୍ରଦୀପ୍ତ ମହାପାତ୍ରଙ୍କ ଗଳ୍ପ ସଂକଳନ ‘ମାଟି ଘୋଡା’କୁ ଲୋକାର୍ପିତ କଲେ ମୁଖ୍ୟମନ୍ତ୍ରୀ

ଭୁବନେଶ୍ବର : ଲୋକାର୍ପିତ ହୋଇଛି ଅବସରପ୍ରାପ୍ତ ପ୍ରଶାସକ ତଥା କଥାକାର ପ୍ରଦୀପ୍ତ ମହାପାତ୍ରଙ୍କ ଗଳ୍ପ ସଙ୍କଳନ ‘ମାଟି ଘୋଡା’ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଏହି ଗଳ୍ପ ସଙ୍କଳନ ‘ମାଟି ଘୋଡା’କୁ ଲୋକାର୍ପଣ କରିଛନ୍ତି ।

ମାଟିର ମହକରେ ନିଜକୁ ହଜାଇ ଦେଇଥିବା ପ୍ରଦୀପ୍ତ ମହାପାତ୍ର ତାରି ଭିତରେ ହିଁ ଶାଶ୍ବତର ସନ୍ଧାନ କରିଛନ୍ତି । ନିଜର ପରିଚୟ ସୃଷ୍ଟି କରିଛନ୍ତି ଓ ନିଜର ଜୀବନର ଅନୁଭୂତିକୁ ସାହିତ୍ୟର ରଙ୍ଗରେ ରଙ୍ଗାଇଛନ୍ତି । ମାଟିର ଘୋଡା ସହିତ ମାଟି ସିଲଟର ପୃଥିବୀ, ମାଟି ଘଟର ଜୀବନ ଓ ନିଜ ମାଟିର ଗନ୍ଧ ଆଦି ଗଳ୍ପ ସଂକଳନ ପ୍ରଦୀପ୍ତ ମହାପାତ୍ରଙ୍କ ଉଜ୍ବଳ ସାରସତ୍ବ ପ୍ରତିଭାର ପ୍ରତିଶ୍ରୁତି ବହନ କରୁଛି । ମୁଖ୍ୟମନ୍ତ୍ରୀ ପୁସ୍ତକର ଲୋକାର୍ପଣ କରିବା ସହ ପ୍ରଦୀପ୍ତ ମହାପାତ୍ରଙ୍କୁ ଅଭିନନ୍ଦନ ଜଣାଇଛନ୍ତି ।