ରାଫେଲକୁ ବଦନାମ କରିବାକୁ ଚେଷ୍ଟା କରିଥିଲା ଚୀନ: ଫ୍ରାନ୍ସର ଗୁଇନ୍ଦା ରିପୋର୍ଟ କଲା ବଡ ଖୁଲାସା….

ନୂଆଦିଲ୍ଲୀ: ପାକିସ୍ତାନ ବିରୁଦ୍ଧରେ ଭାରତର ସଫଳ ଅପରେସନ୍ ସିନ୍ଦୁର ପରେ, ଚୀନ୍ ଏକ ବଡ଼ ଦୁଃସାହସିକତା କରିଥିଲା। ଚୀନ୍ ତାର ଦୂତାବାସ ମାଧ୍ୟମରେ ଫ୍ରାନ୍ସର ରାଫେଲ୍ ଜେଟ୍‌ର ବିଶ୍ୱ ପ୍ରତିଷ୍ଠାକୁ କ୍ଷତି ପହଞ୍ଚାଇବାକୁ ଚେଷ୍ଟା କରିଥିଲା । ଅପରେସନ ସିନ୍ଦୂର ପରେ ଚୀନ୍ ରାଫେଲ୍ ସମ୍ପର୍କରେ ଗୁଜବ ପ୍ରଚାର କରିଥିଲା । ଯାହାକୁ ନେଇ ଏବେ ବଡ ଖୁଲାସା କରିଛି ଫ୍ରାନ୍ସ ଗୁଇନ୍ଦା ରିପୋର୍ଟ । ଏଥିସହିତ ସିନ୍ଦୁର ଅପରେସନ୍ ସମୟରେ ଚୀନ୍ ର ଚିରସର୍ବଦା ବନ୍ଧୁ ପାକିସ୍ତାନ ଦାବି କରିଥିଲା ​​ଯେ ସେ ଭାରତର ତିନୋଟି ରାଫେଲ୍ ଯୁଦ୍ଧ ବିମାନକୁ ଖସାଇ ଦେଇଛି। କିନ୍ତୁ ରାଫେଲ୍ ତିଆରି କରୁଥିବା ଫରାସୀ କମ୍ପାନୀ ଡାସଲ୍ଟ ଆଭିଏସନ୍ ର ସିଇଓ ଏରିକ୍ ଟ୍ରାପିଅର୍ ପାକିସ୍ତାନର ଏହି ଦାବିକୁ ମିଛ ବୋଲି ଦର୍ଶାଇଛି

ଫ୍ରାନ୍ସ ଗୁଇନ୍ଦା ରିପୋର୍ଟ ଅନୁଯାୟୀ, ସିନ୍ଦୁର ଅପରେସନ୍ ପରେ, ଚୀନ୍ ଏକ ପ୍ରଚାର ଅଭିଯାନ ଆରମ୍ଭ କରିଥିଲା, ଯାହା ଅଧୀନରେ ରାଫେଲ୍ ଜେଟ୍ ବିକ୍ରୟକୁ ପ୍ରଭାବିତ କରିବାକୁ ଚେଷ୍ଟା କରାଯାଇଥିଲା। ଚୀନ୍ ତାର ଦୂତାବାସ ମାଧ୍ୟମରେ ସେହି ଦେଶଗୁଡ଼ିକୁ ରାଫେଲ କିଣିବାରୁ ରୋକିବାକୁ ଚେଷ୍ଟା କରିଥିଲା, ଯେଉଁମାନେ ଫ୍ରାନ୍ସରୁ ଏହି ଜେଟ୍ ଅର୍ଡର କରିଥିଲେ, କିନ୍ତୁ ପରେ ଏହା ବଦଳରେ ଚୀନ୍ ନିର୍ମିତ ଜେଟ୍ କିଣିବା ଉପରେ ଜିଦ୍ ଧରିଥିଲେ ।

ଗୁଇନ୍ଦା ରିପୋର୍ଟ ଅନୁଯାୟୀ, ଚୀନ୍ ଦୂତାବାସର ପ୍ରତିରକ୍ଷା ଆଟାଚି ଯୁକ୍ତି ଦେଇଥିଲେ ଯେ ଭାରତୀୟ ସେନା ଦ୍ୱାରା ବ୍ୟବହୃତ ରାଫେଲ ବିମାନ ପ୍ରଭାବଶାଳୀ ନୁହେଁ। ସେ ଅନ୍ୟ ଦେଶର ପ୍ରତିରକ୍ଷା ଅଧିକାରୀଙ୍କ ସହିତ ଏକ ବୈଠକରେ ଚୀନ୍ ନିର୍ମିତ ଅସ୍ତ୍ରଶସ୍ତ୍ର ବ୍ୟବହାରକୁ ପ୍ରୋତ୍ସାହିତ କରିଥିଲେ। ଖାଲି ସେତିକି ନୁହେଁ ଚୀନର ଚିରସର୍ବଦା ବନ୍ଧୁ ପାକିସ୍ତାନ ବି ଦାବି କରିଥିଲା ​​ଯେ ସେ ଅପରେସନ ସିନ୍ଦୂର ସମୟରେ ଭାରତର ତିନୋଟି ରାଫେଲ୍ ଯୁଦ୍ଧ ବିମାନକୁ ଖସାଇ ଦେଇଛି। ଯାହାକୁ ପୂର୍ବରୁ ଭାରତୀୟ ସେନା ପ୍ରତ୍ୟାଖ୍ୟାନ କରିଥିଲା । ଭାରତର ପ୍ରତିରକ୍ଷା ମୁଖ୍ୟ ଜେନେରାଲ ଅନିଲ ଚୌହାନ, ଶାଙ୍ଗ୍ରି-ଲା ଡାଏଲଗ୍ ଅବସରରେ ଏକ ସାକ୍ଷାତକାର ସମୟରେ, ରାଫେଲ୍ ଖସାଇ ଦେବାର ପାକିସ୍ତାନର ଦାବିକୁ ସମ୍ପୂର୍ଣ୍ଣ ଭୁଲ ବୋଲି କହିଥିଲେ। ବେଳେ ଏବେ ରାଫେଲ୍ ତିଆରି କରୁଥିବା ଫରାସୀ କମ୍ପାନୀ ଡାସଲ୍ଟ ଆଭିଏସନ୍‌ର ସିଇଓ ଏରିକ୍ ଟ୍ରାପିଅର୍ ପାକିସ୍ତାନର ଏହି ଦାବିକୁ ଭୁଲ ବୋଲି କହିଛି । ପାକିସ୍ତାନ କୌଣସି ରାଫେଲକୁ ଖସାଇ ଥିବା ନେଇ କୌଣସି ରିପୋର୍ଟ ନାହିଁ ବୋଲି ଦର୍ଶାଇଛି ।

ତେବେ କହି ରଖୁଛୁ ଯେ ମେ ମାସରେ ଭାରତ ଏବଂ ପାକିସ୍ତାନ ମଧ୍ୟରେ ଚାରି ଦିନିଆ ସଂଘର୍ଷ ସମୟରେ, ଭାରତ ଫ୍ରାନ୍ସ ନିର୍ମିତ ରାଫେଲ୍ ଜେଟ୍ ବ୍ୟବହାର କରିଥିଲା। ଫ୍ରାନ୍ସ ଦାବି କରୁଛି ଯେ ପାକିସ୍ତାନ ଏବଂ ଏହାର ସହଯୋଗୀ ଚୀନ୍ ରାଫେଲର ପ୍ରତିଷ୍ଠାକୁ ଖରାପ କରିବା ପାଇଁ ଏକ ଅଭିଯାନ ଆରମ୍ଭ କରିଥିଲା ।