ହାମ୍ବୋନଟୋଟାରେ ପଂହଚିଲା ଚୀନ ଜାହାଜ ୟୁଆନ ୱାଙ୍ଗ ୫

କଲମ୍ବୋ: ଭାରତର ତୀବ୍ର ବିରୋଧ ସତ୍ୱେ ଶ୍ରୀଲଙ୍କାର ହାମ୍ବାନଟୋଟା ବନ୍ଦରରେ ମଙ୍ଗଳବାର ଚୀନର ଜାସୁସୀ ଜାହାଜ ୟୁଆନ ୱାଙ୍ଗ ୫ ପଂହଚିଛି । ଏହି ସ୍ପାଏ ଶିପ ଅଗଷ୍ଟ ୨୨ ପର୍ଯ୍ୟନ୍ତ ଏଠାରେ ରହିବ । ଭାରତ ସରକାର ନେଭିଙ୍କୁ ଏଥିପ୍ରତି ସତର୍କ ରହିବା ପାଇଁ ନିର୍ଦ୍ଦେଶ ଦେଇଛନ୍ତି । ଏହି ସ୍ପାଏ ଶିପ ସାଟେଲାଇଟ, ରକେଟ ଓ ଇଂଟରକଂଟିନେଟାଂଲ ବାଲିଷ୍ଟିକ ମିସାଇଲରେ ସଜ୍ଜିତ । ଏହ ବ୍ୟତୀତ ଏଥିରେ ଏପରି ଉପକରଣ ଲାଗିଛି ଯେ, ଯାହା ଭାରତର ସୁରକ୍ଷା ପ୍ରତି ବିପଦ ସୃଷ୍ଟି କରିପାରେ ବୋଲି ଆଶଙ୍କା ବ୍ୟକ୍ତ କରାଯାଇଛି । ହାମ୍ବୋନଟୋଟା ବନ୍ଦରକୁ ଚୀନ ୯୯ ବର୍ଷ ପାଇଁ ଲିଜରେ ନେଇଛି । ଚୀନ ଏହି ଜାହଜକୁ ଗବେଷଣା ପାଇଁ ବ୍ୟବହାର କରୁଥିବା ପ୍ରକାଶ କରୁଥିଲେ ମଧ୍ୟ ଏହା ମାଧ୍ୟମରେ ଅନ୍ୟ ଦେଶର ଗୁପ୍ତ ତଥ୍ୟ ମଧ୍ୟ ସଂଗ୍ରହ କରିଥାଏ । ଶ୍ରୀଲଙ୍କା ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ବିଧିବଦ୍ଧ ଭାବେ ଏ ସମ୍ପର୍କରେ ସୂଚନା ଦିଆଯାଇଛି । ଶ୍ରୀଲଙ୍କାରେ ଏହା କେବଳ ରହଣି କରିବ, କୌଣସି ପ୍ରକାରର ଗବେଷଣା କରିବ ନାହିଁ ଚୀନ ପକ୍ଷରୁ ସ୍ପଷ୍ଟ କରାଯାଇଛି ।