ନୂଆଦିଲ୍ଲୀ: ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଚଳିତ ମାସରେ ଷଷ୍ଠ ରାଷ୍ଟ୍ରୀୟ ପୋଷଣ ମାସ ପାଳନ କରୁଛି। ରାଷ୍ଟ୍ରୀୟ ପୋଷଣ ମାସ ୨୦୨୩ର ପ୍ରଥମ ଦିନରେ ସମଗ୍ର ଦେଶରେ ପାଖାପାଖି ୧୦ ଲକ୍ଷ କାର୍ଯ୍ୟକଳାପ ଦେଖିବାକୁ ମିଳିଥିଲା, ଯେଉଁଥିରେ ‘ମିଶନ ଲାଇଫ ମାଧ୍ୟମରେ ପୋଷଣରେ ଉନ୍ନତି ଏବଂ ସ୍ତନ୍ୟପାନ ଏବଂ ପୁଷ୍ଟିକର ଆହାର’ ଭଳି ବିଷୟବସ୍ତୁ ରହିଥିଲା।
ପ୍ରତ୍ୟେକ ନାଗରିକ ସୁପୋଷିତ ଭାରତ ଦିଗରେ ଏହି ଜନ ଆନ୍ଦୋଳନରେ ଅଂଶଗ୍ରହଣ କରିବାର ଆବଶ୍ୟକତା ରହିଛି। ରାଷ୍ଟ୍ରୀୟ ପୋଷଣ ମାସ ୨୦୨୩ ଉଦଘାଟନ ଅବସରରେ ଦେଶର ବିଭିନ୍ନ ସ୍ଥାନରୁ ଅଧିକାରୀ ଓ ଅଙ୍ଗନବାଡ଼ି କର୍ମୀମାନେ ଏକାଠି ହୋଇ ଖାଦ୍ୟ ବିବିଧତାକୁ ପ୍ରୋତ୍ସାହିତ କରିବା ସହ ପୋଷଣର ଆବଶ୍ୟକତା ବିଷୟରେ ସଚେତନତା ସୃଷ୍ଟି କରିବା ସହ ଏହି ଗୁରୁତ୍ୱପୂର୍ଣ୍ଣ କାର୍ଯ୍ୟ ପ୍ରତି ନିଜର ପ୍ରତିବଦ୍ଧତା ଦର୍ଶାଇଥିଲେ।
1st day of #RashtriyaPoshanMaah2023 witnessed close to 10 lakh activities across the country with themes like ‘Improving Nutrition Through Mission LiFE & ‘Exclusive Breastfeeding & Complimentary Feeding’ leading the way.
Let's continue this Jan Andolan towards a Suposhit Bharat. pic.twitter.com/JjlPMbEd3l— Ministry of WCD (@MinistryWCD) September 2, 2023
ଚଳିତ ବର୍ଷ ପୋଷଣ ମାସ ୨୦୨୩ର ଉଦ୍ଦେଶ୍ୟ ହେଉଛି ମିଶନ ପୋଷଣ ୨.୦ର ମୂଳଦୁଆ ଜୀବନ ଚକ୍ର ପଦ୍ଧତି ମାଧ୍ୟମରେ ପୁଷ୍ଟିହୀନତାର ବ୍ୟାପକ ମୁକାବିଲା କରିବା । ପୋଷଣ ମାସ ୨୦୨୩ର କେନ୍ଦ୍ରବିନ୍ଦୁ ହେଉଛି ଗୁରୁତ୍ୱପୂର୍ଣ୍ଣ ମାନବ ଜୀବନ ପର୍ଯ୍ୟାୟ: ଗର୍ଭାବସ୍ଥା, ବାଲ୍ୟକାଳ ଏବଂ କିଶୋର ଅବସ୍ଥା ବିଷୟରେ ବ୍ୟାପକ ସଚେତନତା ସୃଷ୍ଟି କରିବା । “ସୁପୋଷିତ ଭାରତ, ସାକ୍ଷର ଭାରତ, ସଶକ୍ତ ଭାରତ” (ପୋଷଣ ସମୃଦ୍ଧ ଭାରତ, ଶିକ୍ଷିତ ଭାରତ, ସଶକ୍ତ ଭାରତ) ଶୀର୍ଷକ ବିଷୟବସ୍ତୁ ମାଧ୍ୟମରେ ସମଗ୍ର ଭାରତରେ ପୁଷ୍ଟିକର ଖାଦ୍ୟ ସେବନକୁ ପ୍ରୋତ୍ସାହିତ କରିବା ଏହାର ଉଦ୍ଦେଶ୍ୟ।
"At the inauguration of #RashtriyaPoshanMaah2023, officials and AWW workers from across the nation came together to promote diet diversity and raise awareness about nutrition-seeking behavior, pledging their commitment to this important cause."#SahiPoshanDeshRoshan pic.twitter.com/dxA0POeroJ
— Ministry of WCD (@MinistryWCD) September 3, 2023
ଏକ ମାସ ଧରି ଚାଲିବାକୁ ଥିବା ଏହି କାର୍ଯ୍ୟକ୍ରମରେ ସ୍ୱତନ୍ତ୍ର ସ୍ତନ୍ୟପାନ ଏବଂ ପରିପୂରକ ଖାଦ୍ୟ ଆଦି ଗୁରୁତ୍ୱପୂର୍ଣ୍ଣ ବିଷୟବସ୍ତୁ ଉପରେ ଧ୍ୟାନ କେନ୍ଦ୍ରିତ କରି ଅଭିଯାନ ମାଧ୍ୟମରେ ତୃଣମୂଳ ସ୍ତରରେ ପୋଷଣ ସଚେତନତା ବୃଦ୍ଧି ପାଇଁ ଦେଶବ୍ୟାପୀ ପ୍ରୟାସ ଦେଖିବାକୁ ମିଳିବ ।