କୋଲକତା: ଆସନ୍ତା ୧ ତାରିଖରେ ବିରୋଧୀ ମେଣ୍ଟ ଇଣ୍ଡିଆର ବୈଠକ ଦିଲ୍ଲୀରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ହେଲେ ଏହି ବୈଠକରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଯୋଗଦେବେନି । ବାତ୍ୟା ରେମାଲ ଓ ସେହି ଦିନ ରାଜ୍ୟରେ ହେବାକୁ ଥିବା ଭୋଟ୍ ପାଇଁ ସେ ବୈଠକରେ ଯୋଗଦେବେନି ବୋଲି ଆଜିଠୁ ସ୍ପଷ୍ଟ କରି ଦେଇଛନ୍ତି ।
ଏନେଇ ମମତା କହିଛନ୍ତି, “ମୁଁ ବୈଠକରେ ଭାଗ ନ ନେଇପାରେ ହେଲେ ମୋର ହୃଦୟ ସେଠାରେ ରହିବ।” ସେହି ଦିନ ଟିଏମସି ସୁପ୍ରିମୋ ମମତା ବାନାର୍ଜୀ ଏବଂ ଦଳର ରାଷ୍ଟ୍ରୀୟ ମହାସଚିବ ଅଭିଷେକ ବାନାର୍ଜୀ ଲୋକସଭା ନିର୍ବାଚନରେ ଭୋଟ୍ ଦେବେ ।
କୋଲକାତାରେ ଆୟୋଜିତ ଏକ ରାଲିରେ ଯୋଗଦେଇ ମମତା କହିଛନ୍ତି ଯେ, ଗୋଟିଏ ପଟେ ବାତ୍ୟା ଓ ରିଲିଫ ସେଣ୍ଟର ଥିବାବେଳେ ଅନ୍ୟପଟେ ନିର୍ବାଚନ ରହିଛି । ଏପରି ସ୍ଥିତିରେ ମୁଁ କେମିତି ଦିଲ୍ଲୀ ଯାଇ ପାରିବି? ଲୋକଙ୍କ ପାଖରେ ରିଲିଫ ପହଞ୍ଚାଇବା ମୋର ପ୍ରାଥମିକତା ତେଣୁ ମୁଁ ସେହିଦିନ ବୈଠକରେ ଯୋଗଦେଇପାରିବି ନାହିଁ ବୋଲି ମମତା କହିଛନ୍ତି ।
କୋଲକାତା ଦକ୍ଷିଣ ଏବଂ କୋଲକାତା ଉତ୍ତର ସମେତ ନଅଟି ଆସନରେ ଭୋଟ୍ ଗ୍ରହଣ କରାଯିବ । ଯାହା ଟିଏମସି ପାଇଁ ଗୁରୁତ୍ୱପୂର୍ଣ୍ଣ ଅଟେ । ଜୁନ୍ ୧ ରେ ମତଦାନ କରିବାକୁ ଯାଉଥିବା ରାଜ୍ୟର ଅନ୍ୟ ଲୋକସଭା ନିର୍ବାଚନମଣ୍ଡଳୀରେ ଯାଦବପୁର, ଦମଦମ୍, ବରସାତ, ବଶିରହାଟ, ଜୟନଗର, ମଥୁରାପୁର ଏବଂ ହୀରାଖଣ୍ଡ ବନ୍ଦର ମଧ୍ୟ ରହିଛି ।
Comments are closed.