ଭୁବନେଶ୍ୱର: ସୋମବାର ଦିନ ପୂର୍ବତଟ ରେଳପଥ (ECoR)ର ସମ୍ବଲପୁର ଡିଭିଜନ ଅନ୍ତର୍ଗତ ସିକିର ଏବଂ ଟିଟଲାଗଡ଼ ଷ୍ଟେସନ ମଧ୍ୟରେ କୋଇଲା ବୋଝେଇ ଏକ ମାଲବାହୀ ଟ୍ରେନ୍ ଲାଇନଚ୍ୟୁତ ହୋଇଛି।
ଏହି ଘଟଣାରେ କୌଣସି ମୃତାହତ କିମ୍ବା ଆହତ ହେବାର କୌଣସି ସୂଚନା ମିଳିନଥିବା ECoR ସ୍ପଷ୍ଟ କରିଛି। ଘଟଣାଟି ସକାଳ ପ୍ରାୟ ୧୧.୨୩ ସମୟରେ ଘଟିଥିଲା। ଲୋକୋମୋଟିଭ୍ ରୁ ୧୪ତମ ଲୋଡ୍ ୱାଗନର ପଛ ଟ୍ରଲି ଚକ ଲାଇନଚ୍ୟୁତ ହୋଇଥିଲା।
ଲାଇନଚ୍ୟୁତ ହେବା ପରେ ତୁରନ୍ତ ବରିଷ୍ଠ ରେଳ ଅଧିକାରୀମାନେ ଘଟଣାସ୍ଥଳକୁ ଯାଇଥିଲେ। ପରେ କଣ୍ଟାବାଞ୍ଜିରୁ ଦୁର୍ଘଟଣା ସହାୟତା ଟ୍ରେନ ଘଟଣାସ୍ଥଳକୁ ଯାଇଥିଲା ଏବଂ ପୁନରୁଦ୍ଧାର କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ ଚାଲିଛି।
ଘଟଣା ପରେ ଯାତ୍ରୀବାହୀ ଟ୍ରେନ୍ ଚଳାଚଳ ପ୍ରଭାବିତ ହୋଇନାହିଁ। ଯଥାଶୀଘ୍ର ସ୍ୱାଭାବିକ ଟ୍ରେନ୍ ପରିଚାଳନାକୁ ପୁନଃସ୍ଥାପିତ କରିବା ପାଇଁ ସମସ୍ତ ପ୍ରୟାସ କରାଯାଉଛି ବୋଲି ଅଧିକାରୀମାନେ କହିଛନ୍ତି।
Comments are closed.