ଭୁବନେଶ୍ୱର: ଓଡ଼ିଆଙ୍କ ପାଇଁ ଗର୍ବର ବିଷୟ। ରାଜ୍ୟର ପ୍ରଥମ ମୁଖ୍ୟମନ୍ତ୍ରୀ ଡକ୍ଚର ହରେକୃଷ୍ଣ ମହତାବଙ୍କ ଫଟୋ ଥିବା କଏନ ବା ମୁଦ୍ରା ଜାରି ହେବ ବୋଲି ଜଣାପଡିଛି। ଯାହାକୁ କେନ୍ଦ୍ର ସରକାର ମଞ୍ଜୁରୀ ଦେଇଛନ୍ତି।
ହରେକୃଷ୍ଣ ମହତାବଙ୍କ ୧୨୫ତମ ଜୟନ୍ତୀ ଅବସରରେ କେନ୍ଦ୍ର ସରକାର ତାଙ୍କ ଫଟୋ ଥିବା ୧୦୦ ଟଙ୍କିଆ ସ୍ୱତନ୍ତ୍ର ମୁଦ୍ରା ଜାରି କରିବେ। ସ୍ୱାଧୀନ ସଂଗ୍ରାମୀ ଦିବସ ପାଳନ ଅବସରରେ ଆୟୋଜିତ ଏକ ସମାରୋହରେ କେନ୍ଦ୍ର ସଂସ୍କୃତି ମନ୍ତ୍ରୀ ଅର୍ଜୁନ ରାମ ମେଘୱାଲ ଏହି ଘୋଷଣା କରିଛନ୍ତି।
ଓଡ଼ିଶାର ଏହି କିମ୍ବଦନ୍ତୀ ନେତାଙ୍କ ସମ୍ମାନରେ ଏହି ସ୍ୱତନ୍ତ୍ର ମୁଦ୍ରା ତିଆରି କରିବାକୁ ସଂସ୍କୃତି ମନ୍ତ୍ରଣାଳୟ ପୂର୍ବରୁ ଅର୍ଥ ମନ୍ତ୍ରଣାଳୟକୁ ପ୍ରସ୍ତାବ ଦେଇଥିଲା ଏବଂ ବର୍ତ୍ତମାନ ଏହି ପ୍ରସ୍ତାବକୁ ଅନୁମୋଦନ ମିଳିଛି।
ସ୍ୱର୍ଗତ ଡକ୍ଟର ହରେକୃଷ୍ନ ମହତାବଙ୍କ ପୁଅ ତଥା ସାଂସଦ ଭର୍ତ୍ତୃହରି ମହତାବ କହିଛନ୍ତି ଯେ ଏହି ସ୍ୱତନ୍ତ୍ର ମୁଦ୍ରା ପ୍ରସ୍ତୁତ ହୋଇସାରିଛି ଏବଂ ଏହା କେବଳ ଜାରି ହେବାକୁ ଅପେକ୍ଷାରେ ରହିଛି । ଡକ୍ଟର ମହତାବଙ୍କ ୧୨୫ତମ ଜୟନ୍ତୀ ଉତ୍ସବ ଏବେ ଚାଲିଛି ଏବଂ ନଭେମ୍ବର ୨୧ରେ ଶେଷ ହେବ।
ଆଧୁନିକ ଓଡ଼ିଶାର ସ୍ଥାପକ ଭାବରେ ପରିଚିତ ଉତ୍କଳ କେଶରୀ ହରେକୃଷ୍ଣ ମହତାବ ୧୯୪୬ରୁ ୧୯୫୦ ଏବଂ ପୁଣି ୧୯୫୬ରୁ ୧୯୬୦ ପର୍ଯ୍ୟନ୍ତ ରାଜ୍ୟର ପ୍ରଥମ ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରିଥିଲେ । ଓଡ଼ିଆ ଭାଷାଭାଷୀଙ୍କୁ ଏକୀକରଣ ପାଇଁ ମାର୍ଗଦର୍ଶନ କରି ଓଡ଼ିଶାର ଆଧୁନିକ ସୀମା ନିର୍ଦ୍ଧାରଣ କରିବାର ଶ୍ରେୟ ତାଙ୍କୁ ଦିଆଯାଏ । ଏହି ସ୍ମାରକୀ ମୁଦ୍ରା ତାଙ୍କର ଐତିହ୍ୟ ଏବଂ ରାଜ୍ୟ ପ୍ରତି ଅବଦାନପ୍ରତି ଏକ ଉପଯୁକ୍ତ ଶ୍ରଦ୍ଧାଞ୍ଜଳି ଭାବରେ କାର୍ଯ୍ୟ କରିବ।