ନୂଆଦିଲ୍ଲୀ: ଆଜିଠାରୁ ଅକ୍ଟୋବର ମାସ ଆରମ୍ଭ ହେଉଛି। ପାର୍ବଣ ପୂର୍ବରୁ ଦେଶର ସରକାରୀ ତୈଳ ବିପଣନ କମ୍ପାନୀଗୁଡ଼ିକ ୧୯ କିଲୋଗ୍ରାମର ବାଣିଜ୍ୟିକ ସିଲିଣ୍ଡରର ମୂଲ୍ୟ ୬୨.୫୦ ବୃଦ୍ଧି କରିଛନ୍ତି। ଏହି ବୃଦ୍ଧି ସହିତ ଦିଲ୍ଲୀରେ ଏକ ସିଲିଣ୍ଡରର ମୂଲ୍ୟ ୨,୮୧୦ ହୋଇଛି। କିନ୍ତୁ ଘରୋଇ ସିଲିଣ୍ଡରର ମୂଲ୍ୟ ଅପରିବର୍ତ୍ତିତ ରହିଛି। ଆଜି ଠାରୁ ଦେଶବ୍ୟାପୀ ନୂତନ ମୂଲ୍ୟ ଲାଗୁ ହୋଇଛି।
ମିଳିଥିବା ସୂଚନା ଅନୁଯାୟୀ, ଦିଲ୍ଲୀରେ ୧୯ କିଲୋଗ୍ରାମର ବାଣିଜ୍ୟିକ ସିଲିଣ୍ଡରର ମୂଲ୍ୟ ଏବେ ୨,୮୧୦ ରେ ପହଞ୍ଚିଛି।ଗତକାଲି ପର୍ଯ୍ୟନ୍ତ ଏହା ୨,୭୪୭.୫୦ ରେ ଉପଲବ୍ଧ ଥିଲା। କୋଲକାତା ନିକଟବର୍ତ୍ତୀ ହାୱଡାରେ ଏହି ସିଲିଣ୍ଡରର ମୂଲ୍ୟ ଏବେ ୨,୯୫୯ ରେ ପହଞ୍ଚିଛି। ଗତକାଲି ପର୍ଯ୍ୟନ୍ତ ଏହା ୨,୮୮୪ ରେ ଉପଲବ୍ଧ ଥିଲା। ମୁମ୍ବାଇରେ ମୂଲ୍ୟ ଏବେ ୨,୭୬୪.୫୪ କୁ ବୃଦ୍ଧି ପାଇଛି। ଗତକାଲି ପର୍ଯ୍ୟନ୍ତ ଏହି ସିଲିଣ୍ଡରର ମୂଲ୍ୟ ୨,୭୦୧.୦୦ ଥିଲା।
ପୂର୍ବରୁ ୧ ସେପ୍ଟେମ୍ବର, ୨୦୨୬ ରେ ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ମଧ୍ୟ ବୃଦ୍ଧି ପାଇଥିଲା। ସରକାରୀ ତୈଳ ବିପଣନ କମ୍ପାନୀ IOC, HPCL, ଏବଂ BPCL ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ୯.୫୦ ବୃଦ୍ଧି କରିଥିଲେ। ଅପରପକ୍ଷରେ ଅଗଷ୍ଟ ୧ରେ ସରକାରୀ ତୈଳ ବିପଣନ କମ୍ପାନୀଗୁଡ଼ିକ ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ୨୦୯ ହ୍ରାସ କରିଥିଲେ। ସେତେବେଳେ ଘରେ ବ୍ୟବହୃତ ୧୪.୨ କିଲୋଗ୍ରାମ ଏଲପିଜି ସିଲିଣ୍ଡରର ମୂଲ୍ୟ ଅପରିବର୍ତ୍ତିତ ରହିଥିଲା।