ମୁମ୍ବାଇ: ବର୍ମିଂହାମରେ ହେବାକୁ ରାଜ୍ୟଗୋଷ୍ଠୀ କ୍ରୀଡା ପୂର୍ବରୁ ଭାରତକୁ ଆଉ ଏକ ଝଟକା ଲାଗିଛି । ମହିଳା କ୍ରିକେଟ ଟିମର ଆଉ ଜଣେ ସଦସ୍ୟ କରୋନା ସଂକ୍ରମିତ ଥିବା ଜଣାପଡିଛି । ଫଳରେ ୨ ଖେଳାଳିଙ୍କ ଅନୁପସ୍ଥିତିରେ ଟିମର ଅନ୍ୟ ସଦସ୍ୟମାନେ ବର୍ମିଂହାମ ଯାଇଛନ୍ତି । ୨୯ ଜୁଲାଇରେ ଭାରତ ତାର ପ୍ରଥମ ମୁକାବିଲାରେ ଅଷ୍ଟ୍ରେଲିଆକୁ ଭେଟିବ । ଉପରୋକ୍ତ ୨ ଖେଳାଳି ଭାରତରେ କ୍ୱାରେଂଟାଇନରେ ରହିଛନ୍ତି । ବିସିସିଆଇ ଏବଂ ଭାରତୀୟ ଅଲିମ୍ପିକ ଆସୋସିଏଶନ ପକ୍ଷରୁ ଏହା ସ୍ପଷ୍ଟ କରାଯାଇଛି । ଏହି ୨ ଖେଳାଳିଙ୍କ ନେଗେଟିଭ ରିପୋର୍ଟ ନ ଆସିବା ପର୍ଯ୍ୟନ୍ତ ସେମାନଙ୍କ ଖେଳିବା ସମ୍ଭାବନା ନାହିଁ । ଟିମର ଅଧିନାୟିକା ହରମନପ୍ରୀତ କୌର ଆମେ ଭାରତ ପାଇଁ ପଦକ ଜିତିବା ନିମନ୍ତେ ଯଥାସମ୍ଭବ ଉଦ୍ୟମ କରିବୁ ବୋଲି କହିଛନ୍ତି । ୩୧ ଜୁଲାଇରେ ପାକିସ୍ତାନ ଓ ୩ ଅଗଷ୍ଟରେ ବାରବାଡୋସ ବିପକ୍ଷରେ ଭାରତ ମ୍ୟାଚ ଖେଳିବ । କ୍ରିକେଟରେ ଭାରତ ଏକ ପଦକ ପାଇବ ବୋଲି ଆଶା କରାଯାଉଛି ।
Comments are closed.