ମହାରାଷ୍ଟ୍ରରେ ବ୍ୟାପିଲା ମାରାତ୍ମକ କଙ୍ଗୋ ଜ୍ୱର!!

ପାଲଘର: ମହାରାଷ୍ଟ୍ରରେ କଙ୍ଗୋ ଜ୍ୱରର ସମ୍ଭାବ୍ୟ ବିସ୍ତାର ବିରୁଦ୍ଧରେ ପାଲଘର ପ୍ରଶାସନ ମଙ୍ଗଳବାର କର୍ତ୍ତୃପକ୍ଷଙ୍କୁ ସତର୍କ ରହିବାକୁ କହିଛି।

କ୍ରିମିନ କଙ୍ଗୋ ହେମୋରେଜିକ୍ ଜ୍ୱର (CCHF), ସାଧାରଣତଃ କଙ୍ଗୋ ଜ୍ୱର ଭାବରେ ଜଣାଶୁଣା,ଯାହା ଟିକ୍ ପୋକ ମାଧ୍ୟମରେ ମଣିଷଦେହରେ ବ୍ୟାପିଥାଏ ।

କୋଭିଡ-୧୯ ଆରମ୍ଭ ହେବା ପରେ ଜିଲ୍ଲା ପ୍ରଶାସନ କହିଛି ଯେ ଏହା ଗୋରୁ-ପ୍ରଜନକ, ମାଂସ ବିକ୍ରେତା ଏବଂ ପଶୁପାଳନ ଅଧିକାରୀଙ୍କ ପାଇଁ ଚିନ୍ତାର ବିଷୟ ହୋଇପଡିଛି ।

ଏହାର କୌଣସି ନିର୍ଦ୍ଦିଷ୍ଟ ତଥା ଉପଯୋଗୀ ଚିକିତ୍ସା ନ ଥିବାରୁ ଠିକ୍ ସମୟରେ ସତର୍କତା ଅବଲମ୍ବନ କରିବା ଆବଶ୍ୟକ।

ପାଲଘର ପଶୁପାଳନ ବିଭାଗର ଡେପୁଟି କମିଶନର ଡଃ ପ୍ରଶାନ୍ତ ଡି କାମ୍ବଲେ କହିଛନ୍ତି ଯେ ଗୁଜୁରାଟର କିଛି ଜିଲ୍ଲାରେ CCHF ମିଳିଛି ଏବଂ ଏହା ମହାରାଷ୍ଟ୍ରର ସୀମାନ୍ତ ଜିଲ୍ଲାକୁ ବ୍ୟାପିବାର ସମ୍ଭାବନା ରହିଛି।

ପାଲଘର ଗୁଜରାଟର ଭାଲସାଦ ଜିଲ୍ଲା ନିକଟରେ । ସମସ୍ତ ଆବଶ୍ୟକୀୟ ସତର୍କତା ଅବଲମ୍ବନ କରିବା ଏବଂ ପ୍ରତିଷେଧକ ବ୍ୟବସ୍ଥା କାର୍ଯ୍ୟକାରୀ କରିବାକୁ ବିଭାଗ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଛି।

ଏହି ରୋଗ ବିରୋଧରେ ଲୋକ କିମ୍ବା ପଶୁମାନଙ୍କ ପାଇଁ କୌଣସି ଟୀକା ଉପଲବ୍ଧ ନାହିଁ ବୋଲି ସୂଚନାରେ କୁହାଯାଇଛି।

ସଂକ୍ରମିତ ବ୍ୟକ୍ତିମାନଙ୍କର ରକ୍ତ, ଅଙ୍ଗ କିମ୍ବା ଅନ୍ୟାନ୍ୟ ଶାରୀରିକ ତରଳ ପଦାର୍ଥ ସହିତ ସମ୍ପର୍କ ହେତୁ ଏହାର ସଂକ୍ରମଣ ହେଉଥିବା ନେଇ ସତର୍କ କରାଯାଇଛି ।

WHO ଅନୁଯାୟୀ ଚିକିତ୍ସା ଉପକରଣର ନିରାକରଣ, ଛୁଞ୍ଚିର ପୁନଃ ବ୍ୟବହାର ଏବଂ ଅନାବଶ୍ୟକ ଚିକିତ୍ସା ସାମଗ୍ରୀର ବ୍ୟବହାର ଯୋଗୁଁ ଡାକ୍ତରଖାନା ଦ୍ୱାରା ମଧ୍ୟ ସଂକ୍ରମଣ ର ସମ୍ଭାବନା ରହିଥିବା ନେଇ କୁହାଯାଇଛି ।