ଭିନ୍ନ ଅନ୍ଦାଜରେ ଦୀପାବଳି ପାଳିଲେ ରାହୁଲ ଗାନ୍ଧୀ, ଦିଲ୍ଲୀର ସବୁଠୁ ପୁରୁଣା ଦୋକାନରେ ତିଆରି କଲେ ବେସନ ଲଡୁ

ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ଏକ ଭିନ୍ନ ଉପାୟରେ ଦୀପାବଳି ପାଳନ କରିଛନ୍ତି । ଏହି ବର୍ଷ ରାହୁଲ ଗାନ୍ଧୀ ଦୀପାବଳି ପାଇଁ ପୁରୁଣା ଦିଲ୍ଲୀ ଗସ୍ତ କରିଥିଲେ । ସେଠାରେ, ପ୍ରସିଦ୍ଧ ଏବଂ ଐତିହାସିକ ଘଣ୍ଟେୱାଲା ମିଠା ଦୋକାନରେ ନିଜ ହାତରେ ରାହୁଲ ବେସନ ଲଡୁ ଏବଂ ଇମର୍ତି ତିଆରି କରିଥିଲେ । ଗ୍ରେସ ନେତା ତାଙ୍କ ସୋସିଆଲ ମିଡିଆ ପ୍ଲାଟଫର୍ମରେ ଏକ ପୋଷ୍ଟ ମାଧ୍ୟମରେ ଏହି ସୂଚନା ସେୟାର କରିଛନ୍ତି ।

ରାହୁଲ ପୋଷ୍ଟରେ ଲେଖିଛନ୍ତି, “ମୁଁ ପୁରୁଣା ଦିଲ୍ଲୀର ପ୍ରସିଦ୍ଧ ଏବଂ ଐତିହାସିକ ଘଣ୍ଟେୱାଲା ମିଠା ଦୋକାନରେ ଇମର୍ତି ଏବଂ ବେସନ ଲଡୁ ତିଆରି କରିବାକୁ ଚେଷ୍ଟା କରିଛି । ଏହି ଶତାବ୍ଦୀ ପୁରୁଣା, ପ୍ରତିଷ୍ଠିତ ଦୋକାନର ମିଠା ସମାନ ରହିଛି – ଶୁଦ୍ଧ, ପାରମ୍ପରିକ ଏବଂ ହୃଦୟସ୍ପର୍ଶୀ । ଦୀପାବଳିର ପ୍ରକୃତ ମିଠା କେବଳ ଥାଳିରେ ନାହିଁ, ବରଂ ସମ୍ପର୍କ ଏବଂ ସମ୍ପ୍ରଦାୟରେ ମଧ୍ୟ ମିଳିଥାଏ । ଆମକୁ କୁହନ୍ତୁ, ଆପଣ ଆପଣଙ୍କର ଦୀପାବଳି କିପରି ପାଳନ କରୁଛନ୍ତି ଏବଂ ଏହାକୁ କିପରି ଖାସ୍ କରୁଛନ୍ତି?”

ରାହୁଲ ଗାନ୍ଧୀ ମିଠା ତିଆରି କରିବାର ସମ୍ପୂର୍ଣ୍ଣ ପ୍ରକ୍ରିୟା ଦେଖିଥିଲେ । ସେ ଇମରତିର ଉତ୍ପତ୍ତି ବିଷୟରେ ମଧ୍ୟ ପ୍ରଶ୍ନ ପଚାରିଥିଲେ । ସେ କେବଳ ଇମରତି ତିଆରି କରିନଥିଲେ ବରଂ ବେସନ ଲଡୁ ମଧ୍ୟ ତିଆରି କରିଥିଲେ ।

ପୁରୁଣା ଦିଲ୍ଲୀର ଘଣ୍ଟେୱାଲା ମିଠା ଦୋକାନଟି ୨୩୭ ବର୍ଷ ପୁରୁଣା । ଜବାହରଲାଲ ନେହେରୁଙ୍କଠାରୁ ରାଜୀବ ଗାନ୍ଧୀଙ୍କ ପର୍ଯ୍ୟନ୍ତ ସମସ୍ତେ ଏହି ଦୋକାନର ମିଠାକୁ ପ୍ରଶଂସା କରିଛନ୍ତି । ସୂଚନାଯୋଗ୍ୟ ଯେ,, ଏହି ଦୋକାନ ରାଜୀବ ଗାନ୍ଧୀଙ୍କ ବିବାହ ପାଇଁ ମିଠା ଯୋଗାଇଥିଲା । ଦୋକାନ ମାଲିକ ରାହୁଲ ଗାନ୍ଧୀଙ୍କୁ କହିଥିଲେ, “ମୁଁ ତୁମର ବିବାହ ପାଇଁ ଅପେକ୍ଷା କରିଛି । ଆପଣ ଯଥାଶୀଘ୍ର ବିବାହ କରି ଆମଠାରୁ ମିଠା ଅର୍ଡର ନେବା ଉଚିତ ।”