ଜୟପୁର: କୋରାପୁଟ ଜିଲ୍ଲାରୁ ପୋଲିସ ପ୍ରାୟ ୧୫୧ କିଲୋଗ୍ରାମର ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିଛି । ଏନେଇ ସୋମବାର ଦିନ ଡିଏସପି ଅଶୁଂମାନ ଦ୍ୱିବେଦୀ କହିଛନ୍ତି ।
ଗିରଫ ଅଭିଯୁକ୍ତ ଜଣକ ଚିକିମା ଗ୍ରାମର ଚନ୍ଦ୍ର ବିଶୋଇ ବୋଲି ଜଣାପଡିଛି ।
ମିଳିଥିବା ସୂଚନାନୁଯାୟୀ ପୋଲିସ ପକ୍ଷରୁ ରବିବାର ଦିନ ବୈପାରିଗୁଡା ନିକଟ ଦୋରଗୁଡା ଠାରେ ଏକ ଅଟୋ ରିକ୍ସାରୁ ଏହି ବେଆଇନ୍ ପଣ୍ୟଦ୍ରବ୍ୟ ଗୁଡିକୁ ଜବତ କରିଥିଲା । ଏହି ଘଟଣାରେ ସେମାନେ ଜଣଙ୍କୁ ଗିରଫ କରିଥିଲେ ।
ତେବେ ଅଭିଯୁକ୍ତ ଜଣକୁ ସୋମବାର ଦିନ କୋର୍ଟକୁ ପଠାଯିବ ବୋଲି ଡିଏସପି ସୂଚନା ପ୍ରଦାନ କରିଛନ୍ତି ।