ଉହାନ: ପ୍ରାୟ ୪ ମାସ ପରେ ଉଠିଲା ଲକ୍ ଡାଉନ । କୋହଲା ହେଲା କଟକଣା । ରାସ୍ତାରେ ଗଡିଲା ବସ୍ । କରୋନାର କେନ୍ଦ୍ର ସ୍ଥଳ ଚୀନ୍ର ଉହାନରେ ଆଜି ସ୍ଥିତି ସ୍ୱାଭାବିକ ହୋଇଛି । ପ୍ରାୟ ୩ ମାସ ହେବ ଜାରି ଅବରୋଧ ହଟାଇବା ପାଇଁ ମଙ୍ଗଳବାର ନିଷ୍ପତି ନିଆଯାଇଥିଲା । ଏହାପରେ ବୁଧବାର ଅର୍ଥାତ ଆଜି ସକାଳୁ ବସ୍ ଚଳାଚଳ କରିଛି । ଦୋକାନ ବଜାର ସବୁ ଖୋଲା ହୋଇଥିବା ଦେଖିବାକୁ ମିଳିଛି । 
ସେପଟେ ଚୀନ୍ରେ କରୋନା ସମ୍ପର୍କିତ ଆଉ ୪୭ଟି ନୂଆ ମାମଲା ସାମ୍ନାକୁ ଆସିଛି । ତେବେ ସମସ୍ତ ସଂକ୍ରମିତ ବିଦେଶ ଫେରନ୍ତା ବୋଲି ଜଣାପଡିଛି । ଅନ୍ୟପଟେ ଚୀନ୍ ଜାତୀୟ ସ୍ୱାସ୍ଥ୍ୟସେବା ଏନ୍ଏଚ୍ସି ଅନୁସାରେ ହୁବେଇ ଓ ଉହାନରୁ କୋଭିଡ-୧୯ର ଗୋଟିଏ ବି ନୂଆ ଅଭିଯୋଗ ଆସି ନାହିଁ । କିନ୍ତୁ ଉହାନରେ ଏବେବି ଲୋକେ ଘରୁ ବାହାରକୁ ବାହାରିଲେ ମଧ୍ୟ ସତର୍କତା ଅବଲମ୍ବନ କରୁଥିବା ଦେଖାଯାଇଛି ।
Comments are closed.