ଭୁବନେଶ୍ୱର-ଆସନ୍ତା ଜାନୁଆରି ୨ ତାରିଖରେ ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ କରୋନା ଟିକାକରଣର ଡ୍ରାଏ ରନ୍ ବା ପୂର୍ବାଭ୍ୟାସ କରାଯିବ । କେମିତି ସୁରୁଖୁରୁରେ ଲୋକଙ୍କୁ କରୋନା ଟିକା ଦିଆଯିବ ଏହି ଡ୍ରାଏ ରନ୍ରେ ତାର ଅଭ୍ୟାସ କରାଯିବ ।
କରୋନା ଟିକାକରଣକୁ ନେଇ କେନ୍ଦ୍ର ଗୃହମନ୍ତ୍ରାଳୟ ତରଫରୁ ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳଗୁଡିକ ସହିତ ଏକ ଭିଡିଓ କନ୍ଫରେନ୍ସିଂ କରାଯାଇଥିଲା । ଏହି ଆଲୋଚନା ଅନୁସାରେ ସବୁ ରାଜ୍ୟର ରାଜଧାନୀରେ ଆସନ୍ତା ଜାନୁଆରି ୨ରେ କରୋନା ଟିକାକରଣର ଡ୍ରାଏ ରନ୍ କରିବାକୁ ନିଷ୍ପତ୍ତି ନିଆ ଯାଇଛି ।
ଓଡିଶାର ଭୁବନେଶ୍ୱର କ୍ୟାପିଟାଲ ହସ୍ପିଟାଲ ସହିତ ସବୁ ଜିଲ୍ଲାର ମୁଖ୍ୟ ଚିକିତ୍ସାଳୟରେ କୋଟିଭ ଟିକାକରଣର ଆଇଟି ପ୍ଲାଟଫର୍ମ ଉପଲବ୍ଧ କରିବାକୁ ଓଡିଶା ସରକାର କେନ୍ଦ୍ର ଗୃହମନ୍ତ୍ରାଳୟକୁ ଅନୁରୋଧ କରିଛନ୍ତି ।
କରୋନା ଟିକାକରଣର ଡ୍ରାଏ ରନ୍ ପାଇଁ ରାଜଧାନୀର କ୍ୟାପିଚାଲ ହସ୍ପିଟାଲ ସହିତ ସବୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ କରୋନା ଟିକାକରଣ କେନ୍ଦ୍ର ଭାବେ ଚିହ୍ନଟ କରାଯାଇଛି ।
କରୋନା ଟିକାକରଣର ଡ୍ରାଏ ରନ୍ରେ Co-Win ପୋର୍ଟାଲ ବ୍ୟବହାର କରାଯିବ । ପ୍ରତ୍ୟେକ ଟିକାକରଣ କେନ୍ଦ୍ରରେ ୨୫ଜଣ ଲେଖାଏଁ ହିତାଧିକାରୀଙ୍କୁ ଡ୍ରାଏ ରନ୍ ପାଇଁ ଏହି ପୋର୍ଟାଲରେ ନାଁ ପଂଜିକରଣ କରାଯିବ । ପ୍ରତି ଟିକାକରଣ କେନ୍ଦ୍ରରେ ଏକ ୫ ଜଣିଆ ଟିମ୍ ନିୟୋଜିତ ହେବେ । ଟିକାକରଣର ଏହି ଡ୍ରାଏ ରନ୍ ସମୟରେ ମଧ୍ୟ ସମସ୍ତ କୋଭିଡ ଗାଇଡ ଲାଇନ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି ।
ଏହା ଆଗରୁ ଦେଶର ୪ଟି ରାଜ୍ୟ ଆସାମ, ଆନ୍ଧ୍ର ପ୍ରଦେଶ, ଗୁଜରାଟ ଓ ପଂଜାବରେ କରୋନା ଟିକାକରଣର ଡ୍ରାଏ ରନ୍ କରାଯାଇଥିଲା
BREAKING NEWS
- ଅଶ୍ଳୀଳ ଭିଡିଓ ମାମଲା: ପ୍ରଜ୍ଜ୍ୱଳଙ୍କ ବିରୋଧରେ ଜାରି ହେଲା ଲୁକ୍ ଆଉଟ୍ ନୋଟିସ୍
- ଆସିଲା ବିଜେଡିର ବଳକା ଥିବା ପାର୍ଥୀ ତାଲିକା
- ଦିଲ୍ଲୀ ହାଇକୋର୍ଟରେ ଜାମିନ ଆବେଦନ କଲେ ସିସୋଦିଆ
- ନାମାଙ୍କନ ପତ୍ର ଦାଖଲ କଲେ ବିଜେପି ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ ଏବଂ ବିଜେଡି ସାଂସଦ ପ୍ରାର୍ଥୀ ମନ୍ମଥ ରାଉତରାୟ
- ଏ ପର୍ଯ୍ୟନ୍ତ ସମସ୍ତ ଟି୨୦ ବିଶ୍ୱକପରେ ଖେଳିଛନ୍ତି ରୋହିତ
- ଏକକାଳୀନ ବରଖାସ୍ତ ହେଲେ ଦିଲ୍ଲୀ ମହିଳା ଆୟୋଗରେ କାର୍ଯ୍ୟରତ ୨୨୩ କର୍ମଚାରୀ
- ରାଖୀଙ୍କ ଖୋଲା ଚ୍ୟାଲେଞ୍ଜ: କଂଗ୍ରେସ ଯଦି ଟିକେଟ ଦିଏ ତେବେ ମୁଁ କଙ୍ଗନାଙ୍କୁ ହରେଇ ଦେବି
- ପ୍ରଚଣ୍ଡ ଗ୍ରୀଷ୍ମ ପ୍ରବାହ ପାଇଁ ବଢିଲା ଭୋଟିଂ ଟାଇମ
- ତେଲ ସରିଯିବାରୁ ହଠାତ ଢେଙ୍କାନାଳ ସହରରେ ଅବତରଣ କଲା ହେଲିକପ୍ଟର
- ପାଇଥାନ ପରେ କୋର ଟିମ୍ ରୁ ଛଟେଇ କଲା ଗୁଗୁଲ