ନୂଆଦିଲ୍ଲୀ:କରୋନା ଭାଇରସ ଏବେ ସମଗ୍ର ବିଶ୍ୱରେ ବ୍ୟାପି ଯାଇଛି । ଅନ୍ତର୍ଜାତୀୟସ୍ତରର ଅନେକ ଷ୍ଟାର ଖେଳାଳି ଏହା କବଳରେ ପଡିଗଲେଣି । ଆସନ୍ତୁ ଜାଣିବା କେଉଁ ଖେଳାଳି ଏହାର ଶୀକାର ହୋଇଛନ୍ତି । ଏନବିଏ ଟିମ୍ ଉଥାହ ଜ୍ୟାଜର ରୁଡି ଗୋବର୍ଟ ଏହି ତାଲିକାରେ ଶୀର୍ଷରେ ରହିଛନ୍ତି । ତାଙ୍କୁ ସତର୍କ କରାଇବା ସତ୍ୱେ ସେ ଏହାକୁ ଏତେଟା ଗୁରୁତ୍ୱ ଦେଇ ନ ଥିଲେ । ଜାଣିଶୁଣିମିଡିଆ ମାଇକ,ଡ୍ରେସିଂ ରୁମର ଅନ୍ୟମାନଙ୍କ ବ୍ୟବହୃତ ସାମଗ୍ରୀକୁ ମଜାରେ ଛୁଇଁଥିଲେ । ଏବେ ସେ କୋରନା ଭାଇରାସରେ ଆକ୍ରାନ୍ତ ଅଛନ୍ତି । ଗୋବର୍ଟଙ୍କ ପରେ ସେହି କ୍ଲବର ଡେନୋଭିନ ମିଶେଲ ମଧ୍ୟ ଏହା କବଳରେ ପଡିଛନ୍ତି ।
ଫୁଟବଲ କ୍ଲବ ଆର୍ସେନଲର ମ୍ୟାନେଜର ମାଇକେଲ ଅର୍ଟେଟା ଘାତକ ଭାଇରାସ ଆକ୍ରାନ୍ତର ଶୀକାର ହୋଇଛନ୍ତି । ତାଙ୍କ ପରେ କ୍ଲବ ତାର ଆଗାମୀ ସମସ୍ତ ମ୍ୟାଚକୁ ବାତିଲ କରିବା ସହ ଖେଳାଳିମାନଙ୍କୁ ଘରକୁ ପଠାଇ ଦେଇଛି । ଫର୍ମୁଲା ୱାନ ଟିମ୍ ମ୍ୟାକଲରେନର ଜଣେ ସଦସ୍ୟ କରୋନା ପଜିଟିଭ ଥିବା ଜଣାପଡିଛନ୍ତି । ତାଙ୍କ ନାମ ପ୍ରକାଶ କରାଯାଇ ନାହିଁ । 
ଏହା ପରେ ଟିମ୍ ଅଷ୍ଟ୍ରେଲିଆ ଗ୍ରାଁ ପ୍ରିରେ ଭାଗ ନେବ ନାହିଁ କହିଛି । ସମସ୍ତ ରେସରଙ୍କୁ ହୋଟେଲରେ ଅଲଗା ଅଲଗା ରୁମରେ ରଖାଯାଇଛି ।ଅଷ୍ଟ୍ରେଲିଆ କ୍ରିକେଟ ଟିମର କେନ ରିଚାର୍ଡସନ ଓ ଫୁଟବଲ ଷ୍ଟାର କ୍ରିଷ୍ଟିଆନ ରୋନାଲ୍ଡୋଙ୍କ ସାମ୍ପୁଲ ରିପୋର୍ଟ ଆସି ନାହିଁ ।
Comments are closed.