ଭୋପାଲ: କାରୋନା ମହାମାରୀକୁ ନେଇ କେନ୍ଦ୍ରକୁ ଟାର୍ଗେଟ କରିଛନ୍ତି ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥ । ସେ କହିଛନ୍ତି, ଲକଡାଉନ୍ ଲାଗୁ କରିବାରେ କେନ୍ଦ୍ର ସରକାର ବିଳମ୍ବରେ ନିଷ୍ପତ୍ତି ନେଇଛନ୍ତି । ମଧ୍ୟପ୍ରଦେଶରେ ବିଜେପି ସରକାର ଗଠନରେ ଯେତିକି ବିଳମ୍ବ ହେଉଥିଲା ସରକାର ଲକଡାଉନ ଜାରି କରିବାରେ ସେତିକି ବିଳମ୍ବ କରିଥିଲେ ବୋଲି ସେ କହିଛନ୍ତି ।
ଯଦି ପୂର୍ବରୁ ଲକଡାଉନ୍ ଲାଗୁ କରାଯାଇଥାନ୍ତା ତେବେ ଦେଶ ଆଜି ସମ୍ପୂର୍ଣ୍ଣ କରୋନା ମୁକ୍ତ ହୋଇଥାନ୍ତା ବୋଲି କମଲନାଥ କହିଛନ୍ତି । ରାହୁଲ ଗାନ୍ଧୀ କୋଭିଡ-୧୯କୁ ନେଇ ଉଦ୍ବେଗ ପ୍ରକାଶ କରିବାର ୪୦ଦିନ ପରେ କେନ୍ଦ୍ର ଲକଡାଉନ୍ ଘୋଷଣା କଲା। ତେଣୁ କୋଭିଡ-୧୯ର ମୁକାବିଲା କରିବାକୁ ହେଲେ ଯେଉଁ ପଦକ୍ଷେପ ନେବାକଥା ସେଥିରେ କେନ୍ଦ୍ର ସରକାର ବିଳମ୍ବ କଲେ ବୋଲି କମଳନାଥ ଅଭିଯୋଗ କରିଛନ୍ତି।
ଏଥିସହ ସେ ଶିବରାଜ ସରକାରଙ୍କୁ ମଧ୍ୟ ଟାର୍ଗେଟ କରିଛନ୍ତି । ସେ କହିଛନ୍ତି, ରାଜ୍ୟରେ ନୂଆ ସରକାର ପରିସ୍ଥିତିର ଯେପରି ମୁକାବିଲା କରିବା କଥା ତାହା ଏବେ କରିବାରେ ବିଫଳ ହୋଇଛି । ମଧ୍ୟପ୍ରଦେଶ ଏକମାତ୍ର ରାଜ୍ୟ ଯେଉଁଠି ଏବେ କେହି ସ୍ବାସ୍ଥ୍ୟମନ୍ତ୍ରୀ ଓ ସ୍ବରାଷ୍ଟ୍ରମନ୍ତ୍ରୀ ନାହାନ୍ତି ବୋଲି ସେ କହିଛନ୍ତି ।
Comments are closed.