ନୂଆପଡା : ଚେକ ଡ୍ୟାମରେ କରେଣ୍ଟ ଲାଗି ଦମ୍ପତ୍ତି ମୃତ । ଏଭଳି ଘଟଣା ଦେଖିବାକୁ ମିଳିଛି ନୂଆପଡା ଜିଲ୍ଲା ଖରିଆରରୋଡ଼ ପରକୋଟ ଗାଁରେ । ବିଲରେ ପାଣି ମଡାଇବାକୁ ଯାଇଥିବାବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ସ୍ୱାମୀ ସ୍ତ୍ରୀଙ୍କର ମୃତ୍ୟୁ ଘଟିଛି । ମୃତକ ପରକୋଟ ଗାଁର ରାମେଶ୍ୱର ରାଉତ ଏବଂ ବିମଳା ରାଉତ ବୋଲି ଜଣାପଡିଛି । ଆଜି ମଧ୍ୟାହ୍ନରେ ଦୁହେଁ ଚାଷ ଜମି ପାଣି ମଡାଇବାକୁ ଯାଇଥିଲେ । nfcc ର ବିଦ୍ୟୁତ ତାର ସଂସ୍ପର୍ଷ ରେ ଆସି ଦୁହେଁ ଅଚେତ ଅବସ୍ଥା ରେ ଚେକଡ୍ୟାମରେ ଭାସୁଥିଲେ ।
ପରେ ସ୍ଥାନୀୟ ଲୋକେ ଦେଖି ଉଭୟଙ୍କୁ ଉଦ୍ଧାର କରି ଖରିଆରରୋଡ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ହେଲେ ଡାକ୍ତର ସେଠାରେ ଉଭୟଙ୍କୁ ମୃତ ଘୋଷଣା କରିଛନ୍ତି । ଟାଟା ପାୱାର ଓ nfcc ଅଫିସ ର ଭୁଲ ଯୋଗୁଁ ଉଭୟଙ୍କର ମୃତ୍ୟୁ ଘଟିଥିବା ଅଭିଯୋଗ କରି କ୍ଷତିପୁରଣ ଦାବି କରିଛନ୍ତି ସ୍ଥାନୀୟ ବାସୀନ୍ଦା । ପରେ ଖରିଆର ରୋଡ୍ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।
Comments are closed.