ନୂଆଦିଲ୍ଲୀ: ବେଳକୁ ବେଳ ଭୟଙ୍କର ହେଉଛି କରୋନା ସ୍ଥିତି । ଅନ୍ୟ ସଂକ୍ରମିତ ଦେଶ ଗୁଡିକ ଭଳି ଭାରତରେ ମଧ୍ୟ ଏହା ସଂଖ୍ୟା ବିସ୍ତାର କରିବାରେ ଲାଗିଲାଣି ।
୨ ଦିନ ତଳେ କରୋନା ପ୍ରଭାବରେ ସଂକ୍ରମିତଙ୍କ ସଂଖ୍ୟା ୫୦୦ ରୁ ୬୦୦ ମଧ୍ୟରେ ଥିବା ବେଳେ ମୃତ୍ୟୁ ସଂଖ୍ୟ ୧୫ ମଧ୍ୟରେ ରହିଥିଲା । ମାତ୍ର ଦେଖୁଦେଖୁ ୨ ଦିନରେ ଏହା ନିଆଁ ପରି ମାଡି ଗଲାଣି ।
Total number of #Coronavirus cases in the country rises to 979(including 86 cured/discharged and 25 deaths): Union Health Ministry pic.twitter.com/U6WV7BjCbb
— ANI (@ANI) March 29, 2020
ସଦ୍ୟତମ ସରକାରୀ ରିପୋର୍ଟ ଅନୁଯାୟୀ, ବର୍ତ୍ତମାନ ସୁଦ୍ଧା ଭାରତରେ କରୋନାରେ ୯୭୯ ଲୋକ ସଂକ୍ରମିତ ହୋଇଛନ୍ତି । ସେଥିରୁ ୨୫ ଲୋକଙ୍କର ପ୍ରାଣ ଯାଇଥିବା ବେଳେ ୮୬ ଜଣ ଭଲ ହୋଇଛନ୍ତି ।
ମହାରାଷ୍ଟ୍ରରେ ସର୍ବାଧିକ ୧୯୩ ଜଣ ଲୋକ ସଂକ୍ରମଣର ଶିକାର ହୋଇଥିବା ବେଳେ ଏଠାରେ ମୃତ୍ୟୁ ସଂଖ୍ୟା ମଧ୍ୟ ସର୍ବାଧିକ ୬ ରେ ପହଞ୍ଚିଛି ।
ସମ୍ଭାବ୍ୟ କରୋନା ଭୂତାଣୁର ସଂକ୍ରମଣ ଉପରେ ଅଙ୍କୁଶ ଲଗାଇବା ନିମନ୍ତେ କେନ୍ଦ୍ର ସରକାର ଆସନ୍ତା ଏପ୍ରିଲ ୧୫ ତାରିଖ ପର୍ଯ୍ୟନ୍ତ ସମ୍ପୂର୍ଣ୍ଣ ଭାରତକୁ ଲକଡାଉନ ଘୋଷଣା କରିଛନ୍ତି।