ଦିଲ୍ଲୀ : ଦେଶରେ କମୁଛି ସଂକ୍ରମଣ ।୨୩୦ ଦିନରେ ସର୍ବନିମ୍ନ ସଂକ୍ରମଣ।୨୪ ଘଣ୍ଟାରେ ସଂକ୍ରମିତ ହୋଇଛନ୍ତି ୧୩ ହଜାର ୫୯୬। ୨୪ ଘଣ୍ଟାରେ ୧୬୬ ଜଣଙ୍କ ଜୀବନ ନେଇଛି କରୋନା ମହାମାରୀ। ଆକ୍ଟିଭ କେସ୍ ରହିଛି ୧ ଲକ୍ଷ ୮୯ ହଜାର ୬୯୪ ଜଣ। ଦେଶରୁ ଅଧିକ ଅଧିକ ମାମଲା କେରଳରୁ ଆସୁଥିଲା। ହେଲେ ଏବେ କେରଳରେ କରୋନା ସଂକ୍ରମଣ କମୁଛି। କରୋନା ସୁସ୍ଥ ହାର ୯୮.୧୨ ପ୍ରତିଶତ ରହିଛି। ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୧୯ ହଜାର ୫୮୨ ଜଣ। ସ୍ୱାସ୍ଥ୍ୟମନ୍ତ୍ରାଳୟ ସୂଚନା ଅନୁସାରେ ଗତକାଲି ୯୭,୭୯,୪୭,୭୮୩ ଜଣ ହିତାଧିକାରୀଙ୍କୁ ଟିକା ଦିଆଯାଇଛି। ଆଇସିଏମଆର ପକ୍ଷରୁ ସୂଚନା ମିଳିଛି କି ଭୁତାଣୁ ଜନିତ ରୋଗ ଚିହ୍ନଟ ପାଇଁ ଅକ୍ଟୋବର ୧୭ ସୁଦ୍ଧା ସମୁଦାୟ ୫୯,୧୯,୨୪,୮୭୪ ହିତାଧିକାରୀଙ୍କୁ ପରୀକ୍ଷା କରାଯାଇଛି।
Comments are closed.