ଓଡ଼ିଶା ସମ୍ବାଦ ବ୍ୟୁରୋ: ଅଭିଷେକ ପରେ ରଙ୍ଗ ବଦଳାଏ କ୍ଷୀର । ଏମିତି ଏକ ମନ୍ଦିର ରହିଛି ଯେଉଁଠି ପ୍ରସାଦ ସହ କ୍ଷୀର ଅର୍ପଣ କରିଲେ ତାହା ଧଳା ରଙ୍ଗରୁ ନୀଳ ରଙ୍ଗରେ ପରିଣତ ହୋଇଯାଏ । ଯାହା ନିଜ ଅଖିରେ ନଦେଖିଲେ ବିଶ୍ୱାସ କରିହୁଏନି । ଏହି ମନ୍ଦିର ରହିଛି କେରଳରେ । କେରଳ କେଜାପେରୁମପାଲ୍ଲାମରେ ଅବସ୍ଥିତ କେତୁଙ୍କ ମନ୍ଦିର ।
ମନ୍ଦିର ନାଗନାଥସ୍ୱାମୀ ମନ୍ଦିର ଭାବରେ ଜଣାଶୁଣା । ମନ୍ଦିରଟିକୁ କେତୁ ସ୍ଥାଳମ ମଧ୍ୟ କୁହାଯାଏ । ଏହି ମନ୍ଦିର କେରଳରେ ପ୍ରବାହିତ କାବେରୀ ନଦୀ କୂଳରେ ଅବସ୍ଥିତ । ମନ୍ଦିରରେ ଅନେକ ରହସ୍ୟ ଅଛି, ଯାହା ବୈଜ୍ଞାନିକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ଏହି ମନ୍ଦିରର ରହସ୍ୟ ହେତୁ ଏହା ଲୋକମାନଙ୍କ ମଧ୍ୟରେ ବହୁ ମାନ୍ୟତା ପାଇଥାଏ | ଯଦିଓ ଏହି ମନ୍ଦିର କେତୁ ପାଇଁ ଉତ୍ସର୍ଗୀକୃତ, ଏହି ମନ୍ଦିରର ମୁଖ୍ୟ ହେଉଛନ୍ତି ଭଗବାନ ଶିବ । ସେଥିପାଇଁ ଏହା ନାଗ ନାଥ ନାମରେ ମଧ୍ୟ ଜଣାଶୁଣା ।
ଲୋକମାନେ ଦୂରଦୁରନ୍ତରୁ ଆସି ମନ୍ଦିରରେ ରାହୁ– କେତୁ ଉପରେ କ୍ଷୀର ଅର୍ପଣ କରନ୍ତି । ମନ୍ଦିରରେ ଦୁଗ୍ଧ ଅର୍ପଣ କରିବା ପରେ କ୍ଷୀରର ରଙ୍ଗ ଧଳାରୁ ନୀଳ ରଙ୍ଗରେ ବଦଳିଯାଏ । ଯେଉଁମାନେ କେତୁ ଗ୍ରହରେ ପୀଡିତ ସେମାନଙ୍କ କ୍ଷୀରର ରଙ୍ଗ ବଦଳିଯାଏ ବୋଲି କୁହାଯାଏ । ଏହାସହ ଏଠାରେ କ୍ଷୀର ଢାଳିଲେ ରାହୁ କେତୁ ଶାନ୍ତି ହୋଇଥାନ୍ତି ବୋଲି ସ୍ଥାନୀୟ ଲୋକ ବିଶ୍ୱାସ କରନ୍ତି ।