ଭୁବନେଶ୍ୱର: କରୋନାଭାଇରସର ମୁକାବିଲା ପାଇଁ ଦେଶବ୍ୟାପୀ ଲକଡାଉନ ଜାରିଥିବା ବେଳେ ପଡୋଶୀ ରାଜ୍ୟରେ ଫସି ରହିଥିବା ଭାଇଭଉଣୀମାନଙ୍କୁ ସାହାର୍ଯ୍ୟ କରିବା ଲାଗି ଓଡିଆ ସମାଜକୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଓଡିଆ ସମାଜକୁ ଅନୁରୋଧ କରି ମୁଖ୍ୟମନ୍ତ୍ରୀ ଏକ ଭିଡିଓ ବାର୍ତ୍ତାରେ କହିଛନ୍ତି ଯେ ଲକଡାଉନ ଯୋଗୁଁ ବାହାର ରାଜ୍ୟରେ ଫସିଥିବା ଓଡିଆମାନେ ଓଡ଼ିଶାକୁ ଫେରିପାରୁନାହାଁନ୍ତି । ସେମାନଙ୍କୁ ଔଷଧ ଏବଂ ଖାଦ୍ୟ ଯୋଗାଇ ଦିଅନ୍ତୁ ଏବଂ ଖର୍ଚ୍ଚ ବାବଦକୁ ଅର୍ଥରାଶି ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠି (ସିଏମଆରଏଫ) ତରଫରୁ ଯୋଗାଇ ଦିଆଯିବ ।
ସେହିପରି ଓଡିଆ ସମାଜ ବ୍ୟତିତ ମୁଖ୍ୟମନ୍ତ୍ରୀ ନବୀନ ଅନ୍ୟ ରାଜ୍ୟରେ ଥିବା ପ୍ରତିପକ୍ଷଙ୍କୁ ମଧ୍ୟ ସମାନ ଅନୁରୋଧ କରିଛନ୍ତି।