ଭୁବନେଶ୍ୱର: ରାଜ୍ୟରେ ଦିନକୁ ଦିନ ବଢୁଛି କରୋନା ସଂକ୍ରମିତଙ୍କ ସଂଖ୍ୟା । ଜୁଲାଇର ପ୍ରଥମ ଚାରି ଦିନରେ ଓଡିଶାରେ ୯ ଟି ମୁଣ୍ଡ ନେଲାଣି କରୋନା । ଏହି ୪ ଦିନରେ ୧୫୪୪ ଜଣ ନୂତନ ପଜିଟିଭ ମାମଲା ଚିହ୍ନଟ ହୋଇଛି । ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗର ଟୁଇଟ୍ ଅନୁଯାୟୀ ରାଜ୍ୟରେ ଏପର୍ଯ୍ୟନ୍ତ ମୋଟ ୩୪ ଜଣଙ୍କର ମୃତ୍ୟୁ ଘଟିଲାଣି । ସେମାନଙ୍କ ମଧ୍ୟରୁ ୨୫ ଜଣ ରୋଗୀ ଗତ ଏକ ମାସ ମଧ୍ୟରେ (ଜୁନ୍ ୪ ରୁ ଜୁଲାଇ ୪) ଜୀବାଣୁର ଶିକାର ହୋଇଛନ୍ତି ।
ଏହି ମୃତ୍ୟୁ ମଧ୍ୟରେ ଗଞ୍ଜାମ ଜିଲ୍ଲାରେ ୧୫ ଜଣ, ଖୋର୍ଦ୍ଧା ଜିଲ୍ଲାରୁ ୪ ଜଣ, କଟକ ଜିଲ୍ଲାରୁ ୩ ଜଣ ରୁ ବରଗଡ, ପୁରୀ ଏବଂ ଅନୁଗୁଳରୁ ଜିଲ୍ଲାରୁ ଜଣେ ଲେଖାଏଁ ଲୋକଙ୍କର ମୃତ୍ୟୁ ହୋଇଛି। ଜୁଲାଇ ୩ରେ ସର୍ବାଧିକ ୫୬୧ ଜଣ କରୋନା ପଜିଟିଭ ଚିହ୍ନଟ ହୋଇଥିଲେ । ଗୋଟିଏ ଦିନ ପରେ ରାଜ୍ୟରେ ୪ ତାରିଖ ଦିନ ୪୯୫ ଜଣ ଲୋକ ସଂକ୍ରମିତ ହୋଇଛନ୍ତି ଜଣାପଡିଛି। ଜୁଲାଇ ୧ ଏବଂ ଜୁଲାଇ ୨ ରେ ମୋଟ ମାମଲା ଯଥାକ୍ରମେ ୨୫୧ଏବଂ ୨୨୯ ଥିଲା। ଜୁନ ୪ ରେ, ଓଡିଶାରେ ମୋଟ କରୋନା ସଂଖ୍ୟା ଥଲା ୨୪୭୮। ଧୀରେଧିରେ ଏହା ବୃଦ୍ଧି ପାଇ ଜୁଲାଇ ୪ ସୁଦ୍ଧା ରେ ମୋଟ ୮୬୦୧ ରେ ପହଞ୍ଚିଛି।
Comments are closed.