ଫେବ୍ରୁଆରୀ ଗାଇଡଲାଇନ୍: ୧ ତାରିଖରୁ ଖୋଲିବ ଅଙ୍ଗନବାଡ଼ି କେନ୍ଦ୍ର, ବାହାଘର ଓ ଶେଷକୃତ୍ୟରେ ୫୦୦ ଲୋକଙ୍କୁ ଅନୁମତି

ଭୁବନେଶ୍ୱର: ଫେବ୍ରୁଆରୀ ମାସ ପାଇଁ ଗାଇଡଲାଇନ୍ ଜାରି କରିଛନ୍ତି ରାଜ୍ୟ ସରକାର । ଆସନ୍ତା ୧ ତାରିଖରୁ ରାଜ୍ୟରେ ଖୋଲିବ ଅଙ୍ଗନବାଡ଼ି କେନ୍ଦ୍ର । କୋଭିଡ୍ କଟକଣା ଭିତରେ ଖୋଲିବ ଓ ପାଠପଢ଼ା ଯିବ । ସେହିପରି ବାହାଘର ଓ ଶେଷକୃତ୍ୟରେ ଲୋକଙ୍କ ଯୋଗଦାନ ସଂଖ୍ୟାରେ ବୃଦ୍ଧି କରିଛନ୍ତି ସରକାର । ଏଣିକି ଆବଦ୍ଧ କ୍ଷେତ୍ରରେ ବିବାହ ଓ ଶେଷକୃତ୍ୟ କାମରେ ପାଞ୍ଚ ଶହ ଲୋକ ସାମିଲ ହୋଇ ପାରିବେ । ବଡ଼ ସମାବେଶ ଉପରେ କଟକଣା ଲାଗିଛି ।

ଜାନୁଆରୀ ମାସ ଗାଇଡଲାଇନରେ ବିବାହ ଉତ୍ସବ ଓ ଶେଷକୃତ୍ୟ ଭଳି କାର୍ଯ୍ୟରେ ଦୁଇ ଶହ ଲୋକଙ୍କୁ ଅନୁମତି ଦେଇଥିଲେ ସରକାର । ବର୍ତ୍ତମାନ ରାଜ୍ୟରେ କୋଭିଡ୍ ସ୍ଥିତିକୁ ଦେଖି ଫେବ୍ରୁଆରୀରେ କଟକଣାରେ ସାମାନ୍ୟ କୋହଳ କରାଯାଇଛି । ତେବେ ମାସ୍କ ପିନ୍ଧିବା, ସାମାଜିକ ଦୂରତା ବଜାୟ ରଖିବାକୁ ବାଧ୍ୟତାମୂଳକ ରହିଛି । ସମସ୍ତେ କୋଭିଡ୍ ଗାଇଡଲାଇନ୍ ମାନିବା ଉପରେ ସରକାର ଗୁରୁତ୍ୱ ଦେଇଛନ୍ତି ।