ଭୁବନେଶ୍ୱର: ହିତାହିତ ଜ୍ଞାନ ହରେଇ ବସିଛି ପାକିସ୍ତାନୀ ମିଡିଆ । ବିନା କୌଣସି ବଳିଷ୍ଠ ପ୍ରମାଣରେ ବଂଚିଥିବା ବ୍ୟକ୍ତିଙ୍କୁ ନିଜ ଅପରିପକ୍ୱ ମାନସିକତାରେ ମୃତ ଘୋଷଣା କରୁଛି ।
ବ୍ରିଟିଶ ପ୍ରଧାନମନ୍ତ୍ରୀ ବୋରିସ୍ ଜନ୍ସନ୍ କରୋନାଭାଇରସ୍ରେ ସଂକ୍ରମିତ ହୋଇ ଆଇସିୟୁରେ ଆଡମିଟ୍ ହୋଇଛନ୍ତି । କିନ୍ତୁ ପାକିସ୍ତାନର ନମ୍ବର ୧ ଟିଭି ଚ୍ୟାନେଲ ଡନ୍ (Dawn) ଗତକାଲି ତାଙ୍କର ମୃତ୍ୟୁ ହୋଇଥିବା ନେଇ ଖବର ପ୍ରସାରଣ କରିଥିଲା ।
#FakeNewsAlert #Pakistan Dawn News continuously aired the #FakeNews reporting the death of #British PM #BorisJohnson pic.twitter.com/OC5ZBzAuU6
— Ghulam Abbas Shah (@ghulamabbasshah) April 7, 2020
ଏଭଳି ମିଥ୍ୟା ଖବର ପ୍ରସାରଣ ନେଇ ଖାସ କରି ପାକିସ୍ତାନୀ ନାଗରିକମାନେ ହିଁ ସଂପୃକ୍ତ ଟିଭି ଚ୍ୟାନେଲକୁ ସମାଲୋଚନା କରିବା ସହ ଟୁଇଟରରେ ଭିଡିଓଟିକୁ ଶେୟାର କରିଛନ୍ତି ।
ମିଳିଥିବା ସୂଚନା ଅନୁଯାୟୀ ବିବିସି ବ୍ରେକିଂ ର ଏକ ଫେକ୍ ଆକାଉଣ୍ଟ ର ଟୁଇଟ୍ ଉପରେ ନିର୍ଭର କରି ଟିଭି ଚ୍ୟାନେଲ ଡନ୍ (Dawn) ଏଭଳି ମିଥ୍ୟା ଗୁଜବକୁ ପ୍ରସାରଣ କରିଥିଲା ।
ତାଜା ସୂଚନା ଅନୁସାରେ ଇଂଲଣ୍ଡ ପ୍ରଧାନମନ୍ତ୍ରୀ ବୋରିସ୍ ଜନ୍ସନ୍ ଏବେ ଭେଣ୍ଟିଲେଟର୍ ବଦଳରେ ଅକ୍ସିଜେନ୍ ସପୋର୍ଟରେ ସୁସ୍ଥ ଅଛନ୍ତି ।