ବାଲିଗୁଡା: ସିଆର୍ଏଫ୍ ଯବାନଙ୍କ ଆତ୍ମହତ୍ୟା । କନ୍ଧମାଳ ଜିଲ୍ଲା ବାଲିଗୁଡ଼ାରେ ଅବସ୍ଥିତ ସିଆରପିଏଫ୍ର ୨୧୭ ବାଟାଲିୟନ୍ର ଜଣେ ଯବାନ ଆତ୍ମହତ୍ୟା କରିଛନ୍ତି । ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।ବାଲିଗୁଡ଼ାରେ ଅବସ୍ଥିତ ସିଆରପିଏଫ୍ର ୨୧୭ ବାଟାଲିୟନ୍ର ଜଣେ ସି.ଆର.ପି.ଏଫ ଯବାନ ଆତ୍ମହତ୍ୟା କରିଛନ୍ତି । ପାଇଖାନାରେ ଗାମୁଛା ଲଗାଇ ଆତ୍ମହତ୍ୟା କରିଥିବା ସୂଚନା ମିଳିଛି।
ମୃତ ସିଆରପିଏଫ ଯବାନ କେରଳ କାଟାକାଡା ଅଞ୍ଚଳର ରମେଶ ସିଏଲ ବୋଲି ଜଣାପଡିଛି । ତେବେ ରମେଶଙ୍କୁ ସାଥି ଯବାନ ମାନେ ଉଦ୍ଧାର କରି ବାଲିଗୁଡା ମେଡିକାଲରେ ଭର୍ତ୍ତି କରିଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ତେବେ ଆତ୍ମହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ଶବ ବ୍ୟବଚ୍ଛେଦ ପରେ ମୃତ ଶରୀରକୁ ନିଜ ଗାଁକୁ ପଠାଯାଇଛି । ଆତ୍ମହତ୍ୟା ଘଟଣା ନେଇ ବାଲିଗୁଡା ଥାନାରେ ମାମଲା ପରେ ବାଲିଗୁଡା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
Comments are closed.