କଟକ : ବାତ୍ୟା ‘ଫନି’ ଦ୍ୱାରା ପ୍ରଭାବିତ ହୋଇଥିବା କଟକର କିଛି ଅଞ୍ଚଳରେ ରିଲିଫ୍ ସାମଗ୍ରୀ ପ୍ରଦାନ କରୁଥିବାବେଳେ କଟକ-ଚୌଦ୍ୱାର ବିଧାୟକ ପ୍ରଭାତ ବିଶ୍ୱାଳ ଆହତ ହୋଇଛନ୍ତି ।
ମିଳିଥିବା ସୂଚନାନୁଯାୟୀ କଟକରେ ରିଲିଫ୍ ସାମଗ୍ରୀ ବଣ୍ଟନ କରିବା ସମୟରେ ଦୁର୍ଭାଗ୍ୟବଶତଃ ଶ୍ରୀଯୁକ୍ତ ବିଶ୍ୱାଳଙ୍କ ଗୋଡ ଖସିଯିବା ଫଳରେ ସେ ଆହତ ହୋଇଥିବା ଜଣାପଡିଛି ।
ଏହି ବିଜେଡି ନେତାଙ୍କୁ ଉଦ୍ଧାର କରାଯାଇ ଚିକିତ୍ସା ନିମନ୍ତେ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ, ମେ’ ୩ ତାରିଖ ଦିନ ପ୍ରଳୟଙ୍କାରୀ ସାମୁଦ୍ରିକ ଝଡ ‘ଫନି’ ଉପକୂଳ ଓଡିଶାରେ ତାଣ୍ଡବ ରଚିବା ସହ କଟକ, ଭୁବନେଶ୍ୱର ଏବଂ ପୁରୀରେ ବ୍ୟାପକ କ୍ଷୟକ୍ଷତି ଘଟାଇଛି ।