ବିବାଦୀୟ ବିଜ୍ଞାପନ ନେଇ ଶେଷରେ କ୍ଷମା ମାଗିଲା ଡାବର

ମୁମ୍ବାଇ: ବିଭିନ୍ନ ମହଲରୁ ଚାପ ପଡିବା ପରେ ଶେଷରେ ଡାବର ତାର ବିବାଦୀୟ ବିଜ୍ଞାପନ ନେଇ କ୍ଷମା ମାଗିଛି । କରୱାଚୌଥ ଦିନ ଡାବର ଏହାର ଫେମ ବ୍ଲିଚ ବିଜ୍ଞାପନ ପ୍ରସାରିତ କରିଥିଲା । ଏଥିରେ ସମଲିଙ୍ଗୀ ଯୋଡି ଏହାକୁ ପାଳନ କରୁଥିବା ଦେଖିବାକୁ ମିଳିଥିଲା । ଯାହାକୁ ନେଇ ବିବାଦୀୟ ପରିସ୍ଥିତି ସୃଷ୍ଟି ହୋଇଥିଲା । ସୋସିଆଲ ସାଇଟରେ ଏହାର ବୟକଟ ଦାବୀ ଜୋର ଧରିବା ପରେ କମ୍ପାନୀ ଶେଷର ନରମ ପଡିବାକୁ ବାଧ୍ୟ ହୋଇଥିଲା । କ୍ଷମା ମାଗିବା ସତ୍ୱେ ଡାବର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମଧ୍ୟପ୍ରଦେଶ ଗୃହମନ୍ତ୍ରୀ ନରୋତମ ମିଶ୍ର କହିଛନ୍ତି । ହିନ୍ଦୁ ଧର୍ମର ପର୍ବଗୁଡିକୁ ସବୁବେଳେ ଉଦ୍ଦେଶ୍ୟମୂଳକ ଭାବେ ଟାର୍ଗେଟ କରାଯାଉଛି । ଏହି ଘଟଣାର ନିରପେକ୍ଷ ତଦନ୍ତ କରିବାକୁ ଡିଜିପିଙ୍କୁ ନିର୍ଦ୍ଦେଶ ଦିଆଯାଇଛି ବୋଲି ସେ କହିଛନ୍ତି ।