ନୂଆଦିଲ୍ଲୀ: କେନ୍ଦ୍ରରେ ମୋଦି ସରକାରର ଦ୍ୱିତୀୟ ପାଳିର ଶେଷ ବଜେଟ ଅଧିବେଶନ ଆସନ୍ତାକାଲି ସଂସଦରେ ଉପସ୍ଥାପନ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଏହା ପୂର୍ବରୁ ସାଧାରଣ ଜନତାଙ୍କୁ ବଡ ଉପହାର ଦେଇଛନ୍ତି କେନ୍ଦ୍ର ସରକାର । କେନ୍ଦ୍ର ସରକାର ମୋବାଇଲ୍ ପାର୍ଟ୍ସର ଆମଦାନୀ ଶୁଳ୍କ ହ୍ରାସ କରିଛନ୍ତି । ମୋବାଇଲ୍ ପାର୍ଟ୍ସ ଉପରେ ଆମଦାନୀ ଶୁଳ୍କ ୧୫ ପ୍ରତିଶତରୁ ୧୦ ପ୍ରତିଶତକୁ ହ୍ରାସ କରାଯାଇଛି । ସାଧାରଣ ଲୋକଙ୍କ ପାଇଁ ଏହା ଏକ ଖୁସି ଖବର କାରଣ ଏହି ଆମଦାନୀ ଶୁଳ୍କ ହ୍ରାସ ପରେ ଦେଶରେ ମୋବାଇଲ୍ ଫୋନ୍ ଉତ୍ପାଦନ ଶସ୍ତା ହେବ ଏବଂ ଲୋକମାନେ ଶସ୍ତାରେ ଫୋନ୍ ପାଇପାରିବେ |
ଏଥିପାଇଁ କେନ୍ଦ୍ର ସରକାରଙ୍କ ଅର୍ଥ ମନ୍ତ୍ରଣାଳୟ ମଧ୍ୟ ବିଜ୍ଞପ୍ତି ଜାରି କରିଛି । ବିଜ୍ଞପ୍ତିରେ ସୂଚନା ଦିଆଯାଇଛି ଯେ, କଷ୍ଟମ ଆକ୍ଟ ୧୯୬୨ର ଧାରା ୨୫ ଅନୁଯାୟୀ ସରକାର ଜନସାଧାରଣଙ୍କ ସ୍ୱାର୍ଥକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନେଇଛନ୍ତି । ଏଥିରେ ଲେଖାଯାଇଛି ଯେ ଅନେକ ମୋବାଇଲ୍ ପାର୍ଟ୍ସ ଉପରେ ଆମଦାନୀ ଶୁଳ୍କ ୧୦ ପ୍ରତିଶତକୁ ହ୍ରାସ କରାଯାଇଛି । ଏହି ନିଷ୍ପତ୍ତି ଅନୁଯାୟୀ ମୋବାଇଲ୍ ଫୋନ୍ ଉତ୍ପାଦନରେ ବ୍ୟବହୃତ ଅନେକ ପାର୍ଟ୍ସ କିମ୍ବା ଇନପୁଟ୍ ଉପରେ ଶୁଳ୍କ ହ୍ରାସ କରାଯାଇଛି ।
ପ୍ରଥମ ବିଭାଗରେ ଆମଦାନୀ ଶୁଳ୍କ ହ୍ରାସ ପାଇଥିବା ୧୨ ଟି ଉତ୍ପାଦ ଗୁଡିକ ହେଉଛି: ବ୍ୟାଟେରୀ କଭର, ଫ୍ରଣ୍ଟ କଭର, ମିଡିଲ କଭର, ମେନ୍ ଲେନ୍ସ,, ବ୍ୟାକ୍ କଭର, GSM ଆଣ୍ଟିଣା/ ଯେକୌଣସି ଟେକ୍ନୋଲୋଜିର ଆଣ୍ଟିଣା, PU କେସ୍ କିମ୍ବା ସିଲିଙ୍ଗ ଗ୍ୟାସ୍କେଟ୍, PP, PE, EPS ଏବଂ EC ପରି ପଲିମରରୁ ନିର୍ମିତ ଗ୍ୟାସ୍କେଟ୍, ସିମ୍ ସକେଟ୍, ସ୍କୃ, ପ୍ଲାଷ୍ଟିକରୁ ତିଆରି ଅନ୍ୟାନ୍ୟ ମେକାନିକାଲ ଆଇଟମ୍, ଧାତୁରେ ନିର୍ମିତ ଅନ୍ୟାନ୍ୟ ଯାନ୍ତ୍ରିକ ଜିନିଷ ।
ଏହା ବ୍ୟତୀତ ଅନ୍ୟ କେତେକ ଅଂଶରେ ଆମଦାନୀ ଶୁଳ୍କ ମଧ୍ୟ ହ୍ରାସ କରାଯାଇଛି । ସେଗୁଡିକ ହେଉଛି, କଣ୍ଡକ୍ଟିଭ୍ କପଡା, LCD କଣ୍ଡକ୍ଟିଭ୍ ଫୋମ୍, LCD ଫୋମ୍, bt ଫୋମ୍, ଉତ୍ତାପ ବିସ୍ତାର ଷ୍ଟିକର୍ ବ୍ୟାଟେରୀ କଭର, ଷ୍ଟିକର-ବ୍ୟାଟେରୀ ସ୍ଲଟ୍ | ସ୍ମାର୍ଟଫୋନ୍ ହେଉ କିମ୍ବା ଫିଚର ଅବା ବେସିକ ଫୋନ୍ । ସରକାରଙ୍କ ଆମଦାନୀ ଶୁଳ୍କ ହ୍ରାସ କରିବାର ଏହି ନିଷ୍ପତ୍ତି ଦ୍ଵାରା ଦେଶ ବାହାରେ ମୋବାଇଲ୍ ଫୋନ୍ ପାର୍ଟ୍ସ ଆମଦାନୀ କରିବା ଶସ୍ତା ହେବ। ଏହାକୁ ଆଧାର କରି ଦେଶରେ ମୋବାଇଲ୍ ଫୋନ୍ ଉତ୍ପାଦନ ପାଇଁ ବିଦେଶରୁ ଶସ୍ତା ପାର୍ଟ୍ସ କ୍ରୟ କରାଯାଇପାରିବ।