ମୁମ୍ବାଇ: ମା’ ହେବେକି ଦୀପିକା ପାଦୁକୋନ? ଦୀପିକାଙ୍କ ପ୍ରେଗନେନ୍ସି ଖବରକୁ ନେଇ ଏବେ ଚାରିଆଡେ ଚର୍ଚ୍ଚା । ଦୀପିକା ପାଦୁକୋନ ଏବଂ ରଣବୀର ସିଂଙ୍କ ବିବାହକୁ ଇତି ମଧ୍ୟରେ ୫ବର୍ଷ ହୋଇସାରିଲାଣି । ଏହାରି ଭିତରେ ସମସ୍ତେ ଏବେ ଗୁଡ ନ୍ୟୁଜ୍ କୁ ଅପେକ୍ଷା କରି ରହିଛନ୍ତି । ଏହାରିଭିତରେ ଲଣ୍ଡନରେ ଅନୁଷ୍ଠିତ ୭୭ତମ BAFTA ସମାରୋହରେ ଯୋଗ ଦେଇଥିଲେ ଅଭିନେତ୍ରୀ ଦୀପିକା ପାଦୁକୋନ । ଯେଉଁଠାରେ ଦୀପିକା ବାରମ୍ବାର ତାଙ୍କ ଶାଢୀ କାନିରେ ନିଜର ପେଟ ଲୁଚାଉଥିବା ଦେଖିବାକୁ ମିଳିଛି । ଯାହାକୁ ନେଇ ଏବେ ଶୁଣିବାକୁ ମିଳୁଛି ଯେ ଦୀପିକା ଗର୍ଭବତୀ ଥିବାରୁ ଶାଢୀ କାନିରେ ତାଙ୍କ ବେବି ବମ୍ପ ଲୁଚାଉଛନ୍ତି ।
ଏନେଇ ଦୀପିକା ଏବଂ ରଣବୀରଙ୍କ ପାଖ ଲୋକ କହିଛନ୍ତି ଯେ, ଖୁବ୍ ଶୀଘ୍ର ଦୀପିକା ମା’ ହେବାକୁ ଯାଉଛନ୍ତି । ଦୀପିକାଙ୍କ ପ୍ରେଗନେନ୍ସିକୁ ଇତି ମଧ୍ୟରେ ୪ମାସରୁ ଅଧିକ ହୋଇସାରିଲାଣି । ଯଦିଓ ଦୀପିକା ଓ ରଣବୀରଙ୍କ ପକ୍ଷରୁ ଏନେଇ କୌଣସି ସଠିକ ସୂଚନା ମିଳିନାହିଁ କିନ୍ତୁ ତାଙ୍କ ପାଖ ଲୋକ ଦୀପିକାଙ୍କ ଗର୍ଭଧାରଣକୁ ନେଇ ସୂଚନା ଦେଇଛନ୍ତି । BAFTA ସମାରୋହରେ ଦୀପିକା ଯୋଗ ଦେଇଥିଲେ | ଏହି ସମୟରେ ସେ ଡିଜାଇନର୍ ସବ୍ୟସାଚ୍ଚୋଙ୍କ ଦ୍ୱାରା ଡିଜାଇନ୍ କରାଯାଇଥିବା ଏକ ଚମତ୍କାରୀ ଶାଢୀ ପିନ୍ଧିଥିଲେ । ସମାରୋହରେ ନିଆଯାଇଥିବା ଦୀପିକାଙ୍କ ଅନେକ ଫଟୋ ଏବେ ଭାଇରାଲ ହୋଇଥିଲା।
ସୂଚନାଯୋଗ୍ୟ ଯେ, କିଛି ଦିନ ପୂର୍ବରୁ ଏକ ଇଣ୍ଟରଭ୍ୟୁରେ ଦୀପିକା କହିଥିଲେ ଯେ, ସେ ଖୁବ୍ ଶୀଘ୍ର ତାଙ୍କ ପରିବାର ଆରମ୍ଭ କରିବାକୁ ଯାଉଛନ୍ତି । ସେ କହିଥିଲେ ଯେ ରଣବୀର ଏବଂ ମୁଁ ପିଲାମାନଙ୍କୁ ବହୁତ ଭଲ ପାଉ । ଆମେ ଦୁହେଁ ସେହି ଦିନକୁ ଅପେକ୍ଷା କରିଛୁ ଯେବେ ଆମେ ଆମ ପରିବାର ଆରମ୍ଭ କରିବୁ । ୨୦୧୮ରେ ବିବାହ ବନ୍ଧନରେ ବାନ୍ଧି ହୋଇଥିଲେ ଏହି ଦମ୍ପତି । ଅନେକ ଫିଲ୍ମରେ ସେ ଦୁହେଁ ଏକାଠି ନଜର ଆସିଛନ୍ତି ମଧ୍ୟ ।
Comments are closed.