ନୂଆଦିଲ୍ଲୀ: ସୋମବାର ଦିନ ଜାତୀୟ ରାଜଧାନୀ ଦିଲ୍ଲୀର ଲାଲକିଲ୍ଲା ନିକଟରେ ହୋଇଥିବା ବିସ୍ଫୋରଣର ତଦନ୍ତ ଜାରି ରହିଥିବା ବେଳେ ଏବେବି ଦିଲ୍ଲୀ ବାସୀଙ୍କ ମନରେ ଛନକା। ଏପର୍ଯ୍ୟନ୍ତ ଏହି ଘଟଣାରେ ୧୨ ଜଣଙ୍କ ଜୀବନ ଯାଇଛି। ସରକାର ଏହି ଘଟଣାକୁ ଆତଙ୍କବାଦର କାର୍ଯ୍ୟ ବୋଲି କହିଛନ୍ତି। ଏହାରି ଭିତରେ, ଗୁରୁବାର ଦିନ ଦିଲ୍ଲୀର ମହିପାଳପୁର ଅଞ୍ଚଳରେ ଏକ ଜୋରଦାର ବିସ୍ଫୋରଣ ଶୁଣାଯାଇଥିଲା। ଘଟଣା ସମ୍ପର୍କରେ ସୂଚନା ପାଇବା ପରେ, ଦିଲ୍ଲୀ ଅଗ୍ନିଶମ ସେବା କାର୍ଯ୍ୟରେ ଲାଗିପଡ଼ିଥିଲା। ରିପୋର୍ଟ ଅନୁଯାୟୀ, ମହିପାଳପୁର ଅଞ୍ଚଳରେ ଘଟଣାସ୍ଥଳରେ ତିନୋଟି ଦମକଳ ଗାଡ଼ି ଉପସ୍ଥିତ ଅଛି।
ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ଦିଲ୍ଲୀର ମହିପାଳପୁରରେ ଥିବା ରାଡିସନ ହୋଟେଲ ନିକଟରେ ବିସ୍ଫୋରଣ ଶୁଣାଯାଇଥିଲା। ଅଗ୍ନିଶମ ବାହିନୀ ଦ୍ୱାରା ପ୍ରଦାନ କରାଯାଇଥିବା ସୂଚନା ଅନୁଯାୟୀ, ସେମାନେ ସକାଳ ୯:୧୮ ରେ ମହିପାଳପୁରରେ ବିସ୍ଫୋରଣ ବିଷୟରେ ଫୋନ୍ ପାଇଥିଲେ। ବିସ୍ଫୋରଣର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଘଟଣା ସ୍ଥଳରେ ତିନୋଟି ଦମକଳ ଗାଡ଼ି ଉପସ୍ଥିତ ଅଛି।
ଦିଲ୍ଲୀର ମହିପାଳପୁରରେ ଥିବା ରାଡିସନ୍ ହୋଟେଲ ନିକଟରେ ବିସ୍ଫୋରଣ ସମ୍ପର୍କରେ ଏକ ପୋଲିସ ବିବୃତ୍ତି ମଧ୍ୟ ପ୍ରକାଶ ପାଇଛି। ଡିସିପି ଦକ୍ଷିଣ ପଶ୍ଚିମ କହିଛନ୍ତି, “ପ୍ରାଥମିକ ତଦନ୍ତରେ ଦିଲ୍ଲୀ ପୋଲିସ କିଛି ସନ୍ଦେହଜନକ ପାଇନାହିଁ। ପୋଲିସ ଶବ୍ଦର ଉତ୍ସ ଖୋଜିବାକୁ ଚେଷ୍ଟା କରୁଛି।”
Comments are closed.