‘ବିଗ୍ ବସ୍-୧୭’କୁ ନେଇ ଦିଲ୍ଲୀ ହାଇକୋର୍ଟଙ୍କ ବଡ଼ ନିଷ୍ପତ୍ତି, ଶୋ’ର ବେଆଇନ ଟେଲିକାଷ୍ଟ ଉପରେ ପ୍ରତିବନ୍ଧକ
ମୁମ୍ବାଇ: ଟେଲିଭିଜନ୍ର ସବୁଠୁ ଲୋକପ୍ରିୟ ଶୋ’ ‘ବିଗ୍ ବସ୍-୧୭’ବହୁତ ଉତ୍ସାହର ସହିତ ଚାଲିଛି। କିନ୍ତୁ ନିକଟରେ ଏହି ଶୋ ବିଷୟରେ ଏପରି ଖବର ଆସିଛି ଯାହା ପ୍ରଶଂସକଙ୍କୁ ଚକିତ କରିଛି। ନିକଟରେ ଦିଲ୍ଲୀ ହାଇକୋର୍ଟ ଏହି ଶୋ’ର ବେଆଇନ ଟେଲିକଷ୍ଟ ଉପରେ ପ୍ରତିବନ୍ଧକ ଲଗାଇଛନ୍ତି।
ଏକ ରିପୋର୍ଟ ଅନୁଯାୟୀ ଭାୟାକମ୍ ୧୮ ମିଡିଆ ପ୍ରାଇଭେଟ ଲିମିଟେଡ୍ ଦିଲ୍ଲୀ ହାଇକୋର୍ଟରେ ଏକ ପିଟିସନ ଦାଖଲ କରିଛି। Viacom18 ମିଡିଆ ଏକ ମକଦ୍ଦମା ଦାୟର କରିଛି ଯେଉଁଥିରେ ଦର୍ଶାଯାଇଛି ଯେ ଅନେକ ୱେବସାଇଟ୍ ଏହି ଶୋକୁ ବେଆଇନ ଭାବରେ ପ୍ରସାରଣ କରୁଛନ୍ତି। ବର୍ତ୍ତମାନ କୋର୍ଟ ଏହି ଉଲ୍ଲଂଘନକାରୀ ୱେବସାଇଟକୁ ଅବରୋଧ କରିବାକୁ ନିର୍ଦ୍ଦେଶ ଦେଇଛନ୍ତି। ୱେବସାଇଟରେ ଏହାର ବିଷୟବସ୍ତୁ ବେଆଇନ ଭାବରେ ଷ୍ଟ୍ରିମିଂ କରାଯାଉଛି।
ଜଷ୍ଟିସ ସିଂ କହିଛନ୍ତି, ଯଦି ବିଗ୍ ବସ୍ ନାମକ ଅନ୍ୟ କୌଣସି ୱେବସାଇଟ୍ ଥାଏ ଯାହା ବେଆଇନ ଭାବେ ଅଭିଯୋଗକାରୀଙ୍କ କାର୍ଯ୍ୟକ୍ରମକୁ ପ୍ରସାରିତ କରୁଛି, ତେବେ ଏହି ୱେବସାଇଟ୍ ଗୁଡିକୁ ବ୍ୟାନ କରିଦିଆଯିବ। ସେହିପରି ଯଦି ବିଗ୍ ବସ୍ ନାମ ବ୍ୟବହାର କରୁଥିବା ଏପରି ୱେବସାଇଟ୍ ଅନୁମତି ଦିଆଯାଏ, ତେବେ ଏହା ‘ପାୟରେସି’ ଏବଂ ଅନଧିକୃତ ପ୍ରସାରଣର କାରଣ ହେବ, ଯାହା ଅଭିଯୋଗକାରୀଙ୍କ ପାଇଁ ବ୍ୟାପକ କ୍ଷତି ଘଟାଇବ। କୋର୍ଟ କହିଛନ୍ତି ଯେ ଯଦି ଆପତ୍ତିଜନକ ୱେବସାଇଟ୍ ଉପରେ ରୋକ ଲଗାନଯାଏ, ତେବେ ଏହା କ୍ଷତି ଘଟାଇବ। ଉଲ୍ଲଂଘନକାରୀ ୱେବସାଇଟକୁ ଅବରୋଧ କରିବାକୁ ସଂପୃକ୍ତ ଅଧିକାରୀଙ୍କୁ ନିର୍ଦ୍ଦେଶ ଦେବା ବେଳେ କୋର୍ଟ ଏହା କହିଛନ୍ତି।