ନୂଆଦିଲ୍ଲୀ: ଦିଲ୍ଲୀର ମୋଜପୁରରେ ସୋମବାର ୮ ରାଉଣ୍ଡ ଗୁଳି ଚଳାଇଥିବା ଯୁବକକୁ ପୋଲିସ ଗିରଫ କରିଛି । ଅଭିଯୁକ୍ତ ଜଣକ ସ୍ଥାନୀୟ ବାସିନ୍ଦା ହୋଇଥିବା ବେଳେ ତା’ ନାଁ ଶାହାରୁଖ ବୋଲି ଜଣାପଡିଛି ।
ସୋମବାର ମୋଜପୁରରେ ସିଏଏ ସମର୍ଥକ ଏବଂ ବିରୋଧୀଙ୍କ ମୁହାଁମୁହିଁ ହୋଇଥିଲେ । ଏହାର ଭିଡିଓ ସାମ୍ନାକୁ ଆସିଥିଲା । ଯେଉଁଥିରେ ଉକ୍ତ ଯୁବକ ହାତରେ ବନ୍ଧୁକ ଧରି ଗୁଳି କରୁଥିବା ଦେଖିବାକୁ ମିଳିଥିଲା । ଏହି ଫାୟାରିଙ୍ଗ ମୋଜପୁରରୁ ଜାଫରାବାଦ ସଡକ ଉପରେ ହୋଇଥିଲା । ଉକ୍ତ ଯୁବକ ଜଣକ ପୋଲିସ ଆଗରେ ହିଁ ୮ ରାଉଣ୍ଡ ଗୁଳି ଫୁଟାଇଥିଲା । ପୋଲିସ କର୍ମଚାରୀ ଯୁବକକୁ ରୋକିବାକୁ ଚେଷ୍ଠା କରିଥିଲେ ମଧ୍ୟ ସେ ଶୁଣିନଥିଲା ।
ନାଗରିକତା ସଂଶୋଧନ ଆଇନ (ସିଏଏ)କୁ ନେଇ ସୋମବାର ଦୁଇ ଦଳ ସମର୍ଥନ ଓ ବିରୋଧୀଙ୍କ ମଧ୍ୟରେ ପଥରମାଡ ହୋଇଥିଲା । ବିକ୍ଷୋଭାକରୀମାନେ ଅନେକ ଗାଡିରେ ନିଆଁ ଲଗାଇଦେଇଥିଲେ । ଏଥିରେ ଜଣେ ହେଡ୍ କନଷ୍ଟେବଳ ଏବଂ ୩ ଜଣ ନାଗରିକଙ୍କ ମୃତ୍ୟୁ ମଧ୍ୟ ହୋଇଥିଲା । ପରିସ୍ଥିତିକୁ ଦେଖି ଉକ୍ତ ସ୍ଥାନରେ ସୁରକ୍ଷା ବଢ଼ାଇ ଦିଆଯାଇଛି । ତେବେ ଆଜି ମଧ୍ୟ ଦିଲ୍ଲୀରେ ଏହି ସିଏଏ ବିରୋଧୀ ନିଆଁ ଉଗ୍ର ରୂପ ନେଇଛି । ମୃତ୍ୟୁ ସଂଖ୍ୟା ୭କୁ ବୃଦ୍ଧି ହୋଇଥିବା ଜଣାପଡିିଛି ।
Comments are closed.