ନୂଆଦିଲ୍ଳୀ: ଫାଶୀରୁ ବଂଚିବା ପାଇଁ ପୁଣି ଆରମ୍ଭ ହୋଇଛି ନିର୍ଭୟା ଦୋଷୀଙ୍କ ନୂଆ ଚାଲ । ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାଲାର ଦୋଷୀ ଅକ୍ଷମ କୁମାର ସିଂ ପୁଣି ଥରେ ରାଜକ୍ଷମା ଆବେଦନ କରିଛି । ତାର ସମସ୍ତ ଆଇନର ବିକଳ୍ପ ଶେଷ ହୋଇଯାଇଥିଲେ ସୁଦ୍ଧା ସେ ଦ୍ୱିତୀୟ ଥର ପାଇଁ ରଜକ୍ଷମା ଆବେଦନ କରିଥିବା ଜଣପାଡିଛି ।
ପ୍ରଥମେ ଅକ୍ଷୟର ରାଜକ୍ଷମା ଅବେଦନକୁ ରାଷ୍ଟ୍ରପତି ରାମନାଥ କୋବିନ୍ଦ ଖାରଜ କରିଦେଇଥିଲେ । ଏବେ ଅକ୍ଷୟର ଓକିଲ ଏପି ସିଂ କହିଛନ୍ତି ଯେ, ପ୍ରଥମ କ୍ଷମା ଆବେଦନ ଅକ୍ଷୟଙ୍କ ବାପା-ମାଆ ଦାଖଲ କରିଥିଲେ । ଯେଉଁଥିରେ ସମସ୍ତ ତଥ୍ୟ ଦିଆଯାଇନଥିଲା । ଓକିଲ ଏପି ସିଂ କହିଛନ୍ତି, ରାଷ୍ଟ୍ରପତି ଏହି ମାମଲାର ସମ୍ପୂର୍ଣ୍ଣ ଦିଗ ଦେଖି ନଥିବାରୁ ଅକ୍ଷୟ ପୁଣିଥରେ କ୍ଷମା ଆବେଦନ କରିଛନ୍ତି ।
ସୂଚନାଯୋଗ୍ୟ ଯେ, ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାରେ ୪ ଦୋଷୀଙ୍କୁ ମାର୍ଚ୍ଚ ୩ ସକାଳ ୬ରେ ଫାଶୀ ଖୁଂଟରେ ଝୁଲାଇବା ପାଇଁ ଦିଲ୍ଲୀ ପଟିଆଲା ହାଉସକୋର୍ଟ ଡେଥ୍ ୱାରେଂଟ ଜାରି କରିଛନ୍ତି । ତେବେ ଦୋଷୀମାନେ ପୁଣି ଥରେ ଆଇନର ଗଳାବାଟ ଦେଇ ଫାଶୀରୁ ବଂଚିବା ପାଇଁ ଉଦ୍ୟମ ଆରମ୍ଭ କରିଛନ୍ତି ।
Comments are closed.