ନୂଆଦିଲ୍ଲୀ:ଗଣତନ୍ତ୍ର ଦିବସରେ ହୋଇଥିବା ଟ୍ରାକ୍ଟର ର୍ୟାଲୀ ହିଂସାରେ ଦିଲ୍ଲୀ ପୋଲିସକୁ ରବିବାର ବଡ ସଫଳତା ହାତ ଲାଗିଛି । ଦିଲ୍ଲୀ ପୋଲିସ କ୍ରାଇମ ବ୍ରାଂଚ ଅଭିଯୁକ୍ତ ସୁଖଦେବ ସିଂଙ୍କୁ ଚଣ୍ଡୀଗଡରେ ଗିରଫ କରିଛି । ସୁଖଦେବଙ୍କ ଉପରେ ୫୦,୦୦୦ ପୁରସ୍କାର ରାଶି ରଖାଯାଇଥିଲା । ପଞ୍ଜାବୀ ଅଭିନେତା ଦୀପ ସିଦ୍ଧୁ, ଗୁରଜୋତ ସିଂ, ଜଜବୀର ସିଂ ଓ ଇକବାଲ ସିଂଙ୍କ ନାମରେ ପୋଲିସ ୧ ଲକ୍ଷ ଟଙ୍କାର ପୁରସ୍କାର ରାଶି ରଖିଥିଲେ ମଧ୍ୟ ସେମାନେ ଏ ପର୍ଯ୍ୟନ୍ତ ଧରା ପଡି ନାହାନ୍ତି ।
ହିଂସା ଅଭିଯୁକ୍ତଙ୍କୁ ଧରିବା ପାଇଁ ଦିଲ୍ଲୀ ପୋଲିସ ଏକ ସ୍ପେଶାଲ ଟିମ୍ ତିଆରି କରିଛି । କେତେକ ସନ୍ଦିଗ୍ଧ ଅପରାଧୀଙ୍କ ଫଟୋ ମଧ୍ୟ ପୋଲିସ ଜାରି କରିଛି ।
Comments are closed.