ଭୁବନେଶ୍ୱର: ଓଡ଼ିଶାର କିଛି ଗ୍ରାମର ଗ୍ରାମବାସୀମାନେ ସର୍ବନିମ୍ନ ସାଧାରଣ ସୁବିଧା ସୁଯୋଗରୁ ବଞ୍ଚିତ ହୋଇଥିବା ଯୋଗୁଁ ବିକ୍ଷୋଭ ପ୍ରକାଶ କରି ସେମାନଙ୍କର ମତଦାନ ସାବ୍ୟସ୍ତ କରିନାହାନ୍ତି ।
ନୟାଗଡ଼ ଜିଲ୍ଲା ଅନ୍ତର୍ଗତ ଗୁମି ଓ ଢିପମାଳ ଗ୍ରାମପଞ୍ଚାୟତରେ ଥିବା ୧୪ଟି ଗ୍ରାମର ଗ୍ରାମବାସୀମାନେ ସର୍ବନିମ୍ନ ସୁବିଧା ସୁଯୋଗରୁ ବଞ୍ଚିତ ହୋଇଥିବା ଦର୍ଶାଇ ବିକ୍ଷୋଭ ପ୍ରଦର୍ଶନ କରିଛନ୍ତି । ଏପରିକି ଏହିସବୁ ଗ୍ରାମବାସୀମାନେ ନିଜକୁ ଭୋଟଦାନରୁ ବିରତ ରଖିଛନ୍ତି ।
ସେହିପରି କନ୍ଧମାଳ ଜିଲ୍ଲାରେ ୭ଟି ଗ୍ରାମର ଶତାଧିକ ଗ୍ରାମବାସୀ ଭୋଟଦାନରୁ ବିରତ ରହିଛନ୍ତି, ଏହି ଗ୍ରାମବାସୀମାନେ ଗ୍ରାମରେ କୌଣସି ଭିତ୍ତିଭୂମି ନଥିବା ଅଭିଯୋଗ କରିଛନ୍ତି । ଏହାବ୍ୟତୀତ, ଫିରିଙ୍ଗିଆ ବ୍ଲକର ବଗମୁଣ୍ଡା ଗ୍ରାମର ବାସିନ୍ଦାମାନେ ଗ୍ରାମରେ ଥିବା ୯୨ ନଂ ବୁଥରେ ଭୋଟଦାନ କରିନାହାନ୍ତି । ଏହି ଗ୍ରାମବାସୀମାନେ ସେହି ଏକପ୍ରକାର ଅଭିଯୋଗ କରି ବିକ୍ଷୋଭ ପ୍ରଦର୍ଶନ ସ୍ୱରୂପ ଭୋଟଦାନରୁ ନିଜକୁ ଦୂରେଇ ରଖିଛନ୍ତି ।
ବଲାଙ୍ଗୀର ଜିଲ୍ଲାରେ ମଧ୍ୟ ସେହିପରି ଘଟଣା ଦୃଶ୍ୟମାନ ହୋଇଛି । ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ବାଗଜା, ଗଣପାଲ୍ଲୀ, ହଳଦୀପଦର, କାଙ୍କରିଆ ଏବଂ ଭଇଁସାପାଲି ଗ୍ରାମର ଗ୍ରାମବାସୀମାନେ ଭୋଟ ବର୍ଜନ କରିଥିବା ସୂଚନା ହସ୍ତଗତ ହୋଇଛି । ଏହିସବୁ ଗ୍ରାମଗୁଡ଼ିକରେ ସର୍ବନିମ୍ନ ସୁବିଧା ସୁଯୋଗ ପହଞ୍ଚିପାରିନାହିଁ ବୋଲି ଗ୍ରାମବାସୀମାନେ ଅଭିଯୋଗ କରିଛନ୍ତି ।