ମୁମ୍ବାଇ: ଫିଲ୍ମମେକର ଆନନ୍ଦ ଏଲ ରାୟ ସର୍ବଦା ସମୟଠାରୁ ଆଗର କାହାଣୀ ଦେଖାଇ ଦର୍ଶକଙ୍କୁ ବାନ୍ଧି ରଖିଥାନ୍ତି । ୧୦ ବର୍ଷ ତଳେ ରିଲିଜ ହୋଇଥିବା ଧନୁଷ ଅଭିନୀତ ରାଞ୍ଝା ଏବେ ବି ଦର୍ଶକଙ୍କ ମନକୁ ଆନ୍ଦୋଳିତ କରୁଛି । ଏହି ୧୦ ବର୍ଷ ପୂର୍ତି ଅବସରରେ ଆନନ୍ଦ ରାୟ ତାଙ୍କର ଆଗାମୀ ଫିଲ୍ମର ଘୋଷଣା କରିଛନ୍ତି । ଧନୁଷ ଅଭିନୀତ ଏହି ଫିଲ୍ମର ନାମ ତେରେ ଇଶ୍କ ମେଁ ରଖାଯାଇଛି । ବର୍ତମାନର ଦର୍ଶକ ଭଲ ଫିଲ୍ମକୁ କେବଳ ପସନ୍ଦ କରୁଛନ୍ତି । ତେରେ ଇଶ୍ମ ମେଁ ପ୍ୟାନ ଇଣ୍ଡିଆ ଶୈଳୀରେ ପ୍ରସ୍ତୁତ କରାଯିବ ।
ତନୁ ୱେଡସ ମନୁ, ଗୁଡଲକ ଜେରୀ, ଅତରଙ୍ଗୀ ରେ ପରି ଫିଲ୍ମ କରି ଆନନ୍ଦ ଏଲ ରାୟ ନିଜର ଏକ ସ୍ୱତନ୍ତ୍ର ଛାପ ଛାଡିଛନ୍ତି । ଧନୁଷଙ୍କ ଅଭିନୟ ଦକ୍ଷତା କାହାକୁ ଅଛପା । ମୋ ଫିଲ୍ମର ପ୍ରକୃତ ନ୍ୟାୟ କେବଳ ସେ କରିପାରିବେ ବୋଲି ଆନନ୍ଦ କହିଛନ୍ତି । ଧନୁଷ ମଧ୍ୟ ଏହି ପ୍ରୋଜେକ୍ଟ ନେଇ ବେଶ ଉତ୍ସାହିତ ଅଛନ୍ତି ବୋଲି କହିଛନ୍ତି । ଅନ୍ୟ ଷ୍ଟାର କାଷ୍ଟ ଚୟନ ହେବା ପରେ ଫିଲ୍ମ ଫ୍ଲୋରକୁ ଯିବ ବୋଲି ସେ କହିଛନ୍ତି ।
Comments are closed.