ମୁମ୍ବାଇ: ଚଳିତ ଆଇପିଏଲରେ ମୁମ୍ବାଇ ଇଣ୍ଡିଆନ୍ସ ବିପକ୍ଷ ମୁକାବିଲାରେ ଖେଳିବା ପରେ ଚେନ୍ନାଇ ସୁପର କିଙ୍ଗସର ମହାନ ଖେଳାଳି ମହେନ୍ଦ୍ର ସିଂ ଧୋନୀ ଆଉ ଏକ କୀର୍ତିମାନ ନିଜ ନାମରେ କରିଛନ୍ତି । ବିରାଟ କୋହଲିଙ୍କ ପରେ ସେ ଦ୍ୱିତୀୟ ଖେଳାଳି ଭାବେ ଗୋଟିଏ ଟିମ ପକ୍ଷ ରୁ ୨୫୦ ମ୍ୟାଚ ଖେଳିବା ଗୌରବ ଅର୍ଜନ କରିଛନ୍ତି । ଧୋନୀଙ୍କ ନେତୃତ୍ୱରେ ଚେନ୍ନାଇ ୫ ଥର ଆଇପିଏଲ ଟାଇଟଲ ହାସଲ କରିଛି । ଚେନ୍ନାଇ ଏହି କୀର୍ତିମାନ ନେଇ ଫ୍ରାଂଚାଇଜ ପକ୍ଷରୁ ଏକ ପୋଷ୍ଟର ଜାରୀ କରାଯାଇଛି । ଧୋନୀ ଚଳିତ ସଂସ୍କରଣରେ ଚେନ୍ନାଇର ଅଧିନାୟକ ଦାୟତ୍ୱ ତୁଲାଉ ନାହାନ୍ତି । ତାଙ୍କ ସ୍ଥାନରେ ରିତୁରାଜ ଗାଏକ୍ୱାଡଙ୍କୁ ଏହି ଦାୟିତ୍ୱ ପ୍ରଦାନ କରାଯାଇଛି ।
ମୁମ୍ବାଇ ବିପକ୍ଷ ମୁକାବିଲାରେ ଚେନ୍ନାଇ ପ୍ରଥମେ ବ୍ୟାଟିଂ କରୁଛି । ଚେନ୍ନାଇ ଟସ ହାରିବା ଯୋଗୁ ମୁମ୍ବାଇ ପ୍ରଥମେ ଫିଲ୍ଡିଂ କରିବା ପାଇଁ ନିଷ୍ପତି ନେଇଛି । ଉଭୟ ଟିମ ଆଇପିଏଲର ଶକ୍ତିଶାଳୀ ଦଳ ହେଇଥିବାରୁ ଏହି ମ୍ୟାଚ ନେଇ ଦର୍ଶକଙ୍କ ଉତ୍କଣ୍ଠା ଅଧିକ ରହିଛି ।
Comments are closed.