ବାଲେଶ୍ୱର: ନୀଳଗିରି ବ୍ଲକ ଅନ୍ତର୍ଗତ ଚାନ୍ଦିପୁର ଗାଁର ଦିବ୍ୟାଙ୍ଗ, ବିଜୟ ସିଂ ନିଜ ଭତ୍ତା ଆବେଦନ ଆବେଦନରେ ସୂଚନା ପାଇବାକୁ ଟ୍ରଲିରେ ଆସିଛନ୍ତି ବ୍ଲକ ଅଫିସ। ଘରଠାରୁ ୭ କିଲୋମିଟର ଦୂର ନୀଳଗିରି ବ୍ଲକ ଅଫିସକୁ ସେ ଦୁଇ ବର୍ଷ ହେବ ଟ୍ରଲିରେ ଆସି ଭତ୍ତା ପାଇଁ ଏମୁଣ୍ଡରୁ ସେମୁଣ୍ଡ ଘୁରି ବୁଲୁଛନ୍ତି କିନ୍ତୁ ଏଯାଏ ନିଜ ହକ୍ ପାଇ ନାହାନ୍ତି ବୋଲି ଅଭିଯୋଗ କରିଛନ୍ତି ଆବେଦନକାରୀ।
କିଛି ବର୍ଷ ପୂର୍ବରୁ ସେ ଦୁର୍ଘଟଣାର ଶିକାର ହୋଇଥିଲେ। ଏହାପରେ ଅଣ୍ଟା ତଳକୁ ଖସିଯାଇଛି। ଏବେ ବିଜୟ ସିଂହ ନିଜ ଘରଠାରୁ ୭ କିଲୋମିଟର ଦୂର ନୀଳଗିରି ବ୍ଲକ ଅଫିସକୁ ଟ୍ରଲିରେ ଆସି ତାଙ୍କ ଆବେଦନ ବାବଦରେ ଅନୁଧ୍ୟାନ କରୁଛନ୍ତି। ଏନେଇ ନୀଳଗିରି ବିଡିଓ ରାହୁଲ ମଣ୍ଡଳଙ୍କୁ ପଚାରିବାରୁ ବିଜୟ ସିଂହଙ୍କ ପାଖରେ ଦିବ୍ୟାଙ୍ଗ ବୋଲି ପ୍ରମାଣପତ୍ର ନଥିବାରୁ ଭତ୍ତା ମଞ୍ଜୁର ହୋଇପାରୁନାହିଁ ବୋଲି କହିଛନ୍ତି।
ଆମେ ତାଙ୍କୁ ସିଡିଏମଓଙ୍କ ଠାରୁ ମେଡିକାଲ ସାର୍ଟିଫିକେଟ ଆଣିବାକୁ କହିଥିଲୁ। ସେ ଆହୁରି ଦୁଇ ମାସ ଅପେକ୍ଷା କରିପାରନ୍ତି, ଏହା ପରେ ଆମେ ତାଙ୍କୁ ପ୍ରମାଣପତ୍ର ପ୍ରଦାନ କରିପାରିବା। ଆମେ ସାତ ଦିନ ମଧ୍ୟରେ ଦିବ୍ୟାଙ୍ଗମାନଙ୍କୁ ଟ୍ରାଇ ସାଇକେଲ ବାଣ୍ଟିବୁ ବୋଲି ବିଡିଓ କହିଛନ୍ତି।
ବିଜୟ ସିଂହ କହିଛନ୍ତି ଯେ ଭତ୍ତା ପାଇବା ପାଇଁ ସେ ଦୁଇ ବର୍ଷ ହେବ ଏମୁଣ୍ଡରୁ ସେ ମୁଣ୍ଡ ଦୌଡୁଛନ୍ତି। ସେ ସମସ୍ତ ଆବଶ୍ୟକୀୟ କାଗଜପତ୍ର ଦାଖଲ କରିଥିଲେ ମଧ୍ୟ କର୍ତ୍ତୃପକ୍ଷ ଏବେ ବି ମେଡିକାଲ ସାର୍ଟିଫିକେଟ୍ ମାଗୁଛନ୍ତି।
ମୁଁ ଜଣେ ଦିବ୍ୟାଙ୍ଗ ଏବଂ ମୋର ଦୈନନ୍ଦିନ ଖର୍ଚ୍ଚ ପାଇଁ ମୋତେ ଭତ୍ତା ଦରକାର। ମୁଁ କାମ କରିପାରୁ ନାହିଁ ଏବଂ ମୋର ରୋଜଗାରର ଅନ୍ୟ କୌଣସି ମାଧ୍ୟମ ନାହିଁ। ଅଧିକ ବିଳମ୍ବ ନକରି ମୋ ଭତ୍ତାକୁ ମଞ୍ଜୁରୀ ଦେବାକୁ ମୁଁ କର୍ତ୍ତୃପକ୍ଷଙ୍କୁ ନିବେଦନ କରୁଛି ବୋଲି ବିଜୟ ସିଂହ କହିଛନ୍ତି।
ବିଜୟ ସିଂହଙ୍କ ମାମଲା ଦେଶ ତଥା ରାଜ୍ୟର ଅନେକ ଦିବ୍ୟାଙ୍ଗଙ୍କ ଦୁର୍ଦ୍ଦଶାକୁ ବୟାନ କରୁଛି, ଯେଉଁମାନଙ୍କୁ ପ୍ରାପ୍ୟ ପାଇବା ପାଇଁ ଅମଲାତାନ୍ତ୍ରିକ ପ୍ରତିବନ୍ଧକକୁ ସାମ୍ନା କରିବାକୁ ପଡ଼ିଥାଏ। ଦିବ୍ୟାଙ୍ଗଙ୍କୁ ଯେଭଳି ଅସୁବିଧାର ସମ୍ମୁଖୀନ ହେବାକୁ ନ ପଡ଼ିବ, ସେଥିପ୍ରତି ଦୃଷ୍ଟି ଦେଇ ସେମାନଙ୍କୁ ସୁବିଧା ସୁଯୋଗ ପ୍ରଦାନ ପ୍ରକ୍ରିୟାକୁ ଶୃଙ୍ଖଳିତ କରିବା କର୍ତ୍ତୃପକ୍ଷଙ୍କ ପାଇଁ ଗୁରୁତ୍ୱପୂର୍ଣ୍ଣ।