ଆପଣ ଫାଇଭ୍ ଷ୍ଟାର୍ ଏବଂ ସେଭେନ୍ ଷ୍ଟାର୍ ହୋଟେଲ ମଧ୍ୟରେ ପାର୍ଥକ୍ୟ ଜାଣନ୍ତି କି? ଦ୍ୱନ୍ଦ୍ୱରେ ପଡ଼ନ୍ତୁ ନାହିଁ , ଆସନ୍ତୁ ଜାଣିବା…

ନୂଆଦିଲ୍ଲୀ : ଭ୍ରମଣ କରିବାକୁ ପ୍ରାୟ ଲୋକ ପସନ୍ଦ କରିଥାନ୍ତି  । ଭ୍ରମଣ କରିବା ସମୟରେ ଆମେ ହୋଟେଲରେ ରହିଥାଉ  । କେହି କେହି ରହିବାକୁ ୫ ଷ୍ଟାର୍ ହୋଟେଲ ପସନ୍ଦ କରନ୍ତି ତ ଆଉ କେହି କେହି ରହିବା ପାଇଁ ୭ ଷ୍ଟାର୍ ହୋଟେଲକୁ ବାଛିଥାନ୍ତି  । କିନ୍ତୁ କେବେ ଭାବିଛନ୍ତି କି ୫ ଷ୍ଟାର୍ ଏବଂ ୭ ଷ୍ଟାର୍ ହୋଟେଲ ମଧ୍ୟରେ ପାର୍ଥକ୍ୟ କଣ ରହିଛି  । ଆସନ୍ତୁ ଜାଣିବା  । ୩ ତାରକା, ୪ ତାରକା, ୫ ଏବଂ ୭ ତାରକା ହୋଟେଲ ମଧ୍ୟରେ ପାର୍ଥକ୍ୟ ଖୁବ୍ କମ୍ ଲୋକଙ୍କୁ ଜଣାଥାଏ  । ତେଣୁ ଆଜି ଆମେ ଏହି ବିଷୟରେ ଜଣାଇବୁ । ଯାହା ଆପଣ ମାନଙ୍କୁ ଭବିଷ୍ୟତରେ କୌଣସି ଦ୍ବନ୍ଦ୍ବରେ ପକାଇବ ନାହିଁ  । ପ୍ରତ୍ୟେକ ହୋଟେଲକୁ ଏହାର ସୁବିଧା ଅନୁଯାୟୀ ରେଟିଂ ଦିଆଯାଏ । ବର୍ତ୍ତମାନ ଯଦି କେହି ଗୋଟିଏ ତାରକା ହୋଟେଲରେ ରୁହନ୍ତି  । ତେବେ ଏଠାରେ ରହିବା ସରଳ ଏବଂ ଅତିଥିଙ୍କ ପାଇଁ ମୂଲ୍ୟ ମଧ୍ୟ ଅଧିକ ନୁହେଁ  ।

ସୁବିଧା ଅନୁଯାୟୀ ଏଠାରେ ଶୌଚାଳୟ , ଗରମ ଏବଂ ଥଣ୍ଡା ପାଣି ଯୋଗାଇ ଦିଆଯାଏ  । କିନ୍ତୁ  ଏକ ୨ ତାରକା ହୋଟେଲରେ ଅତିଥିମାନେ ଗୋଟିଏ ତାରକା ହୋଟେଲର ସୁବିଧା ଅପେକ୍ଷା ଟିକିଏ ଅଧିକ ସୁବିଧା ପାଆନ୍ତି । ଏଠାରେ  ମୂଲ୍ୟ ଟିକିଏ ଅଧିକ  ରହିଥାଏ  । ୩ ତାରକା ହୋଟେଲରେ ଭଡା ୨ ହଜାର ଟଙ୍କା ପର୍ଯ୍ୟନ୍ତ ରହିଥିବାବେଳେ ରୁମର ଆକାର ଟିକିଏ ବଡ ଥାଏ  ।  ଏଥିରେ ରୁମଗୁଡ଼ିକ ଏସି ଥିବାବେଳେ  ଅତିଥିମାନେ  ଇଣ୍ଟରନେଟ୍ ଏବଂ ପାର୍କିଂ ର ସୁବିଧା ପାଇଥାନ୍ତି   । ୪ ତାରକା ହୋଟେଲରେ ସୁଟ୍ ରୁମ୍ ଥିବାବେଳେ ବାଥରୁମରେ ବାଥ୍ ଟବର ମଧ୍ୟ  ସୁବିଧା ଯୋଗାଇ ଦିଆଯାଇଥାଏ  ।

ଏଠାରେ  ଏକ ମିନି ବାର୍ ମଧ୍ୟ ଥାଏ  ।  ସେହିପରି  ୫ ତାରକା ହୋଟେଲ ଅନ୍ୟ ହୋଟେଲ ଅପେକ୍ଷା ଏଠାରେ ଅଧିକ ସୁବିଧା ଉପଲବ୍ଧ । ଏଠାରେ  ଜିମ୍ ଏବଂ ସୁଇମିଂ ପୁଲ୍ ରହିଥିବାବେଳେ ରୁମ୍ ର ଆାକାର ବହୁତ୍ ବଡ ଥାଏ  । ଏଠାକାର ଭଡା ୫ରୁ ୬ ହଜାର ରହିଥାଏ  । ଅନ୍ୟପଟେ  ଦୁନିଆରେ ବହୁତ କମ୍ ହୋଟେଲ ଅଛି ଯାହା ୭ ତାରକା ।  ୫ ତାରକା ହୋଟେଲ ଅପେକ୍ଷା ଏଠାରେ ଅଧିକ ବିଳାସପୂର୍ଣ୍ଣ ସୁବିଧା ରହିଥାଏ  ।  ଆଗ୍ରା ର ତାଜ ଫାଲକନୁମା ପ୍ୟାଲେସ୍ ହେଉଛି ଭାରତର ଏକମାତ୍ର ୭ ତାରକା ହୋଟେଲ  । ହୋଟେଲ ରେଟିଂ ସୁବିଧା ଅନୁଯାୟୀ ଦିଆଯାଏ । ଏଠାରେ ବାଥରୁମ୍, ରେଷ୍ଟୁରାଣ୍ଟ, ସ୍ୱାସ୍ଥ୍ୟ କ୍ଲବ୍, ସୁଇମିଂ ପୁଲ୍ ଇତ୍ୟାଦି  ସୁବିଧା ରହିଥାଏ  ।