Bhadrapada Amavasya 2025: ଭାଦ୍ରପଦ ଅମାବାସ୍ୟାରେ ପିତୃପୁରୁଷଙ୍କୁ ଏହିପରି କରନ୍ତୁ ସନ୍ତୁଷ୍ଟ..

ଭୁବନେଶ୍ବର:ଭାଦ୍ରପଦ ଅମାବାସ୍ୟା ଏକ ଗୁରୁତ୍ୱପୂର୍ଣ୍ଣ ତିଥି, ଯାହାର ହିନ୍ଦୁ ଧର୍ମରେ ବିଶେଷ ମହତ୍ତ୍ୱ ରହିଛି। ଯଦି ଆପଣ ଆପଣଙ୍କର ପିତୃପୁରୁଷମାନଙ୍କୁ ଖୁସି କରିବାକୁ ଚାହୁଁଛନ୍ତି, ତେବେ ଆପଣ ଏହି ଭାଦ୍ରପଦ ଅମାବାସ୍ୟାରେ କିଛି ସହଜ ଏବଂ ଛୋଟ ଛୋଟ ଦାନ କରି ପୁଣ୍ୟ ଅର୍ଜନ କରିପାରିବେ। ଏହି ଅମାବାସ୍ୟା ପିତୃପକ୍ଷର ଠିକ୍ ପୂର୍ବରୁ ଆସେ । ତେଣୁ ଏହା ପିତୃପୁରୁଷମାନଙ୍କୁ ଖୁସି କରିବାର ଏକ ସୁବର୍ଣ୍ଣ ସୁଯୋଗ ।

ଧାର୍ମିକ ମାନ୍ୟତା ଅନୁସାରେ, ଅମାବାସ୍ୟା ତିଥି ପିତୃପୁରଷଙ୍କ ପ୍ରତି ସମର୍ପିତ। ଯେଉଁମାନେ ନିଜ ପୂର୍ବପୁରୁଷଙ୍କୁ ପ୍ରସନ୍ନ ରଖନ୍ତି, ସେମାନଙ୍କ ଜୀବନରେ କେବେବି କୌଣସି ବାଧା ଆସିନଥାଏ ଏବଂ ପରିବାରରେ ସୁଖ ଏବଂ ଶାନ୍ତି ରହିଥାଏ। ଯଦି ଏହି ଦିନ ପୂଜା ଏବଂ ଦାନ ରୀତିନୀତି ଅନୁସାରେ କରାଯାଏ, ତେବେ ପୂର୍ବପୁରୁଷଙ୍କ ଆତ୍ମାକୁ ଶାନ୍ତି ମିଳିଥାଏ।

ଭାଦ୍ରପଦ ଅମାବାସ୍ୟାରେ ଏହି ଜିନିଷ ଦାନ କରନ୍ତୁ…

-ଅମାବାସ୍ୟା ଦିନ ଗହମ, ଚାଉଳ କିମ୍ବା ଡାଲି ଭଳି ଶସ୍ୟ ଦାନ କରିବା ବହୁତ ଶୁଭ । ଆପଣ ଜଣେ ଗରିବ କିମ୍ବା ଅସହାୟ ବ୍ୟକ୍ତିଙ୍କୁ ଶସ୍ୟ ଦାନ କରିପାରିବେ।

-ଏହି ଦିନ କଳା କିମ୍ବା ଧଳା ପୋଷାକ ଦାନ କରିବା ମଧ୍ୟ ବହୁତ ପୁଣ୍ୟ। ଏହି ଦାନ ପୂର୍ବପୁରୁଷଙ୍କୁ ଶାନ୍ତି ପ୍ରଦାନ କରେ।

-ବିଶେଷକରି ପିତୃ ଦୋଷ ଦୂର କରିବା ପାଇଁ କଳା ରାଶି ଦାନ କରାଯାଏ। ଆପଣ ବ୍ରାହ୍ମଣଙ୍କୁ ରାଶି ଦାନ କରିପାରିବେ କିମ୍ବା ତର୍ପଣରେ ବ୍ୟବହାର କରିପାରିବେ।

-ଋତୁ ଅନୁସାରେ ଫଳ ଏବଂ ପନିପରିବା ମଧ୍ୟ ଦାନ କରାଯାଇପାରିବ। ଏହି ଦାନ ଜୀବନରେ ସୁଖ ଏବଂ ସମୃଦ୍ଧି ଆଣିଥାଏ।

-ଯଦି ଆପଣ ଦାନ କରିବାକୁ ଅସମର୍ଥ, ତେବେ  ଆପଣ ଗାଈକୁ ଖୁଆନ୍ତୁ । ଏହା  ମଧ୍ୟ ଏକ ବଡ ପୁଣ୍ୟ ।