ଆଜିକାଲି ପ୍ରି ୱେଡ଼ିଂ ଫଟୋ ସୁଟ୍ ଟ୍ରେଣ୍ଡ ପାଲଟିଗଲାଣି । ଯୁବକଯୁବତୀମାନେ ବିବାହ ପୂର୍ବରୁ କିଛି ସୁନ୍ଦର ସ୍ଥାନକୁ ଯାଇ ଫଟୋ ଉଠାଉଛନ୍ତି । କିନ୍ତୁ ଏବେ ଏକ ଯୁବକଯୁବତୀ ବିବାହ ପୂର୍ବରୁ ନିଆରା ଢଙ୍ଗରେ ଫଟୋ ସୁଟ୍ କରିଛନ୍ତି । ତାହା ପୁଣି ଡ଼୍ରେନ୍ ଭିତରେ ପଶି । ଅଳିଆ ଆବର୍ଜନା ଭର୍ତ୍ତି ପାଣିରେ ଫଟୋ ସୁଟ୍ କରିଥିବା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ଫଟୋରେ ଦେଖିବାକୁ ମିଳିଛି ଯେ, ଯୁବକଯୁବତୀ ଡ୍ରେନରେ ଭିନ୍ନ ଭିନ୍ନ ପୋଜର ଫଟୋ ଦେଉଛନ୍ତି । ସେମାନଙ୍କ ଚାରିପାଖରେ ବହୁ ଅଳିଆ ଆବର୍ଜନା ଦୃଶ୍ୟମାନ ହେଉଛି । ସେହି ଅଳିଆ ଏବଂ ଡ୍ରେନର ମଇଳା ପାଣି ମଧ୍ୟରେ ସେମାନେ ଖୁସିଥିବା ନଜର ଆସୁଛନ୍ତି । ତାହାସହିତ ଚୁମ୍ବନ ମଧ୍ୟ ଦେଇ ଫଟୋ ପୋଜ ଦେଉଛନ୍ତି । କୁହାଯାଉଛି ଯେ, ଏହା ବିବାହର ପୂର୍ବ ଫଟୋସୁଟ୍ । ଏହି ଫଟୋ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଏହି ଫଟୋକୁ ଦେଖି ଲୋକେ ଭିନ୍ନ ଭିନ୍ନ ମତ ଦେଇଛନ୍ତି । କେହି ଅପରିଷ୍କାର ପାଣିରେ ଚୁମ୍ବନ ଦେଇପାରିବ, ଏହା ବିଶ୍ୱାସ ଲାଗୁନି । ଅନେକ ଲୋକ ଏହି ଫଟୋଗୁଡ଼ିକୁ ନକଲି ବୋଲି ଦାବି କରିଛନ୍ତି । ସେମାନେ କହିଛନ୍ତି ଯେ, ଏହା ଯୁବକଯୁବତୀଙ୍କ ବିବାହର ପୂର୍ବ ଫଟୋସୁଟ୍ । ଆଜିକାଲି, ଲୋକମାନେ ଏଆଇ ମାଧ୍ୟମରେ ବିଭିନ୍ନ ପ୍ରକାରର ଫଟୋ ତିଆରି କରନ୍ତି, ଯେଉଁଥିରେ ସେଲିବ୍ରିଟିମାନେ ଭିକାରୀ କିମ୍ବା ବହୁତ ଗରିବ ଭାବରେ ଦେଖାଯାଇଥାନ୍ତି । ଏହି ଫଟୋକୁ ଦେଖିଲେ ଏହା ସମ୍ପୂର୍ଣ୍ଣ ନକଲି ବୋଲି ଜଣାଯାଉଛି ।
Comments are closed.