ଶତ୍ରୁ ପାଇଁ କାଳ ଭାରତର ଏହି ମିସାଇଲ…ରେଞ୍ଜ ଭିତରେ ପାକିସ୍ତାନ, ଚୀନ

ନୂଆଦିଲ୍ଲୀ: ସଶସ୍ତ୍ର କ୍ଷେତ୍ରରେ ଆଉ ଏକ ବଡ ମାଇଲଖୁଣ୍ଟ ସେଟ୍ କରିବାକୁ ଯାଉଛି ଭାରତ । ଏକ ବିପଜ୍ଜନକ ହାଇପରସୋନିକ୍ କ୍ଷେପଣାସ୍ତ୍ର ତିଆରି କରିଛି । ବେଗ ଏତେ ଅଧିକ ଯେ ରାଡାର ମଧ୍ୟ ଫେଲ୍ । ତେବେ ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ (ଡିଆରଡିଓ) ଖୁବ୍ ଶୀଘ୍ର ଏକ୍ସଟେଣ୍ଡେଡ୍ ଟ୍ରାଜେକ୍ଟୋରୀ – ଲଙ୍ଗ ଡ୍ୟୁରସନ୍ ହାଇପରସୋନିକ୍ କ୍ରୁଜ୍ ମିସାଇଲ୍ (ET-LDHCM) ପରୀକ୍ଷଣ କରିବାକୁ ଯାଉଛି। ଏହି ମିସାଇଲ୍ ପ୍ରୋଜେକ୍ଟ ବିଷ୍ଣୁର ଏକ ଅଂଶ। ଏହାକୁ ଭାରତର ସବୁଠାରୁ ଉନ୍ନତ ହାଇପରସୋନିକ୍ ପ୍ରଯୁକ୍ତିବିଦ୍ୟା ବୋଲି ବିବେଚନା କରାଯାଏ। ଏହି ମିସାଇଲର ବିଶେଷତ୍ୱ ​​ଏପରି ଯେ ଏହା ଶତ୍ରୁମାନଙ୍କ ପାଇଁ ଏକ ବଡ଼ ବିପଦ ହୋଇପାରେ । ଯାହା ଭାରତର ତଥାକଥିତ ପଡୋଶୀ ରାଷ୍ଟ୍ର ଚୀନ ଏବଂ ପାକିସ୍ତାନର ଏବେ ହୋସ୍ ଉଡାଇଦେବ । କାରଣ ଏହାର ପରିସର ଭିତରେ ପାକିସ୍ତାନ ଏବଂ ଚୀନର ଏୟାର ଡିଫେନ୍ସକୁ ଭେଦ କରିବାର ଶକ୍ତି ରହିଛି । 

କ’ଣ ଏହି ହାଇପରସୋନିକ୍ କ୍ରୁଜ୍ ମିସାଇଲ୍?

ET-LDHCM ଅର୍ଥାତ୍ ଏକ୍ସଟେଣ୍ଡେଡ୍ ଟ୍ରାଜେକ୍ଟୋରୀ – ଲଙ୍ଗ ଡ୍ୟୁରସନ୍ ହାଇପରସୋନିକ୍ କ୍ରୁଜ୍ ମିସାଇଲ୍ ହେଉଛି ଭାରତର ଏପର୍ଯ୍ୟନ୍ତ ସବୁଠାରୁ ଉନ୍ନତ ହାଇପରସୋନିକ୍ କ୍ଷେପଣାସ୍ତ୍ର ପ୍ରକଳ୍ପ । ଏହା ବିଷ୍ଣୁ ପ୍ରୋଜେକ୍ଟର ଏକ ଅଂଶ ଏବଂ DRDO ଦ୍ୱାରା ସମ୍ପୂର୍ଣ୍ଣ ସ୍ୱଦେଶୀ ପ୍ରଯୁକ୍ତିବିଦ୍ୟା ସହିତ ବିକଶିତ କରାଯାଇଛି । ଏହି କ୍ଷେପଣାସ୍ତ୍ର ଶବ୍ଦର ଗତି ମ୍ୟାକ୍ ୮ କିମ୍ବା ୧୧ ହଜାର କିମି/ଘଣ୍ଟା ଅପେକ୍ଷା ପାଞ୍ଚ ଗୁଣ ଦ୍ରୁତ ଗତିରେ ଉଡ଼ିପାରିବ ।  ET-LDHCM କ୍ଷେପଣାସ୍ତ୍ର ଗୋଟିଏ ସେକେଣ୍ଡରେ ପ୍ରାୟ ୩ କିଲୋମିଟର ଦୂରତା ଅତିକ୍ରମ କରିପାରିବ । ଏହାର ଗତି ଏତେ ଅଧିକ ଯେ ଶତ୍ରୁ ରାଡାର ଏହାକୁ ଚିହ୍ନଟ କିମ୍ବା ଅଟକାଇ ପାରିବ ନାହିଁ । ଏଥିସହିତ ୧୫୦୦ କିମିରୁ ଅଧିକ ପରିସର ସହିତ, ଏହା କିଛି ମିନିଟ୍ ମଧ୍ୟରେ ଗୁରୁତ୍ୱପୂର୍ଣ୍ଣ ଶତ୍ରୁ ଘାଟିଗୁଡ଼ିକୁ ଧ୍ୱଂସ କରିପାରିବ । ଯାହା ଏହାକୁ ପାକିସ୍ତାନ ଏବଂ ଚୀନର ସାମରିକ ଘାଟିଗୁଡ଼ିକ ସହଜରେ ପହଞ୍ଚିପାରିବ। ଏହି କ୍ଷେପଣାସ୍ତ୍ର ଭାରତର ସାମରିକ ଶକ୍ତିକୁ ଆହୁରି ମଜବୁତ କରିବ ।

ଯଦି ଏହି ହାଇପରସୋନିକ୍ କ୍ଷପଣାସ୍ତ୍ର ବୈଶିଷ୍ଟ୍ୟ କହିବା ତେବେ ବାୟୁ, ସ୍ଥଳ ଏବଂ ସମୁଦ୍ର, ତିନୋଟି ପ୍ଲାଟଫର୍ମରୁ ନିକ୍ଷେପ କରାଯାଇପାରିବ। କ୍ଷେପଣାସ୍ତ୍ରରେ ସ୍ଥାପିତ ସ୍କ୍ରାମଜେଟ୍ ଇଞ୍ଜିନ୍ ବାୟୁରୁ ଅମ୍ଳଜାନ ନେଇ ଇନ୍ଧନ ଜାଳିଥାଏ, ଯାହା ଦ୍ୱାରା ଏହା ଦୀର୍ଘ ସମୟ ପାଇଁ ହାଇପରସୋନିକ୍ ଗତି ବଜାୟ ରଖିପାରିବ। ଏହା କମ୍ ଉଚ୍ଚତାରେ ଉଡ଼େ। ସହଜରେ ଦିଗ ପରିବର୍ତ୍ତନ କରିପାରିବ । ଏହା ଏପରି ସାମଗ୍ରୀରେ ତିଆରି ଯାହା ୨ ହଜାର ସେଲସିୟସ ପର୍ଯ୍ୟନ୍ତ ଉଚ୍ଚ ତାପମାତ୍ରା ସହ୍ୟ କରିପାରେ ଏବଂ ଏଥିରେ ଏକ ଆଣ୍ଟି-ଅକ୍ସିଡେସନ୍ ଆବରଣ ମଧ୍ୟ ପ୍ରୟୋଗ କରାଯାଇଛି। ଯାହାର ଅର୍ଥ ହେଉଛି ଏହା ସୂର୍ଯ୍ୟକିରଣ ଏବଂ ପାଣି ଦ୍ୱାରା ବି କ୍ଷତିଗ୍ରସ୍ତ ହେବ ନାହିଁ । ଏଥିସହିତ ଏହି ହାଇପରସୋନିକ୍ କ୍ଷପଣାସ୍ତ୍ରର ୧୦୦୦-୨୦୦୦ କିଲୋଗ୍ରାମ ପରମାଣୁ କିମ୍ବା ପାରମ୍ପରିକ ପେଲୋଡ୍ ବହନ କରିବାର କ୍ଷମତା ଅଛି । ଯାହା ଏହାକୁ ଉଭୟ କୌଶଳଗତ ଏବଂ ରଣନୈତିକ ଅସ୍ତ୍ର ଭାବେ ଉଭା କରିଥାଏ । ଡିଆରଡିଓ ଚଳିତ ବର୍ଷରେ ହଜାର ସେକେଣ୍ଡ ପାଇଁ ଏହାକୁ ସଫଳତାର ସହ ଭୂମି ପରୀକ୍ଷଣ କରିଛି ।

କାହିଁକି ଭାରତ ପାଇଁ ଗୁରୁତ୍ୱପୂର୍ଣ୍ଣ?

ଏହି କ୍ଷେପଣାସ୍ତ୍ର ଭାରତକୁ ଆମେରିକା, ରୁଷ ଏବଂ ଚୀନ୍ ଭଳି ହାଇପରସୋନିକ୍ ପ୍ରଯୁକ୍ତି ଶକ୍ତି ସହିତ ସମନ୍ୱୟରେ ଆଣିବ । ର(ଆରଏଡବ୍ଲୁ) ଏବଂ ସେନାକୁ ଅପରେସନ୍ ସ୍ତରରେ ଶତ୍ରୁ ଭିତରେ ସର୍ଜିକାଲ୍ ହାଇପରସୋନିକ୍ ଆକ୍ରମଣର ସୁବିଧା ମିଳିଥାଏ। ଏହା ଏକ ସମ୍ପୂର୍ଣ୍ଣ ମେକ୍ ଇନ୍ ଇଣ୍ଡିଆ ପ୍ରକଳ୍ପ। ଏହାକୁ ହାଇଦ୍ରାବାଦର ଡକ୍ଟର ଏପିଜେ ଅବଦୁଲ କଲାମ କ୍ଷେପଣାସ୍ତ୍ର କମ୍ପ୍ଲେକ୍ସରେ ଡିଆରଡିଓ ଏବଂ ଘରୋଇ ଅଂଶୀଦାରମାନଙ୍କ ସହଯୋଗରେ ନିର୍ମାଣ କରାଯାଇଛି। ପାକିସ୍ତାନ ଏବଂ ଚୀନ୍ ଦ୍ୱାରା ବାରମ୍ବାର କ୍ଷେପଣାସ୍ତ୍ର ପରୀକ୍ଷଣ ଏବଂ ସୀମା ବିବାଦ ମଧ୍ୟରେ ET-LDHCM ଭାରତକୁ ଏକ ନିର୍ଣ୍ଣାୟକ ରଣନୈତିକ ଧାର ପ୍ରଦାନ କରିବ । ହାଇପରସୋନିକ୍ ପ୍ରଯୁକ୍ତିବିଦ୍ୟା ସହିତ, ଭାରତ ସାଟେଲାଇଟ୍ ଲଞ୍ଚ, ବିମାନ ଏବଂ ବିପର୍ଯ୍ୟୟ ପରିଚାଳନାରେ ମଧ୍ୟ ଉଚ୍ଚସ୍ତରୀୟ ପ୍ରଯୁକ୍ତିବିଦ୍ୟା ପାଇବ । ଏହାବ୍ୟତୀତ ET-LDHCM କ୍ଷେପଣାସ୍ତ୍ର ଭୂମି ଆକ୍ରମଣ ମିଶନ ଯେପରି ରାଡାର, ବଙ୍କର, ସାମରିକ ଘାଟିରେ ପ୍ରଭାବଶାଳୀ ପ୍ରମାଣିତ ହୋଇପାରେ । ଏହା ଜାହାଜ ବିରୋଧୀ ମିଶନ ଯଥା ବିନାଶକ, ବିମାନ ବାହକ ଏବଂ ଶତ୍ରୁ ବିରୋଧରେ ରଣନୈତିକ ମିଶନରେ ସହାୟକ ପ୍ରମାଣିତ ହୋଇପାରେ । ଏଥିସହିତ ଏହି ପ୍ରକଳ୍ପଗୁଡ଼ିକ ଏମଏସଏମଇ କ୍ଷେତ୍ରରେ ହଜାର ହଜାର ନିଯୁକ୍ତି ଏବଂ ସୁଯୋଗ ମଧ୍ୟ ସୃଷ୍ଟି କରିବ ।