ନୂଆଦିଲ୍ଲୀ: ମାରାତ୍ମକ ଭୂତାଣୁ କରୋନା ପାଇଁ ଭାରତର ଆମଦାନୀ ଉପରେ ପ୍ରଭାବ ପଡିଛି । ଭାରତ ଚୀନ୍ରୁ ଆମଦାନୀ ହେଉଥିବା ସମସ୍ତ ସାମଗ୍ରୀ ଉପରେ ରୋକ୍ ଲଗାଇଛି । ସେଠାରେ ସ୍ଥିତି ନସୁଧୁରିବା ଯାଏ କୌଣସି ବି ଜିନିଷ ଭାରତକୁ ଆସିବ ନାହିଁ । ତେବେ ଚୀନ୍ରୁ ଯେଉଁ ସବୁ ସାମଗ୍ରୀ ଆମଦାନୀ ହେଉଥିବା ସେହି ସବୁ ସାମଗ୍ରୀକୁ ଅନ୍ୟ ଦେଶରୁ ଆମଦାନୀ କରିବା ପାଇଁ ଭାରତ ବିକଳ୍ପ ଖୋଜୁଛି ।
ଭାରତର ମୋଟ ଆମଦାନୀର ୫୦ ପ୍ରତିଶତରୁ ଅଧିକ ସାମଗ୍ରୀ ଚୀନ୍ରୁ ହିଁ ହୋଇଥାଏ । କପଡା, ସୁଟକେଶ, ଆଣ୍ଟିବାୟୋଟିକ, ଭିଟାମିନ, କୀଟନାଶକ ଭଳି ୧୦୫୦ଟି ଜିନିଷ ଆମଦାନୀ କରିବା ପାଇଁ ଭାରତ ଏବେ ଅନ୍ୟ ଦେଶ ସହ ଯୋଗାଯୋଗ କରୁଛି ।
ଚୀନ୍ରୁ ପ୍ରାୟତଃ ଇଲେକ୍ଟ୍ରୋନିକ୍ସ, ଅଟୋମୋବାଇଲ ଡାଟା ପ୍ରୋସେସିଂ ମେସିନ୍, ମେସିକଣ୍ଡକ୍ଟର ଉପକରଣ, ଅଟୋ ପାଟର୍ସ, ଷ୍ଟିଲ ଏବଂ ଆଲୁମିନିୟମ, ମୋବାଇଲ୍ ଫୋନ୍ ଆଦି ସାମିଲ ଅଛି । କେନ୍ଦ୍ର ସରକାରଙ୍କ ବାଣିଜ୍ୟ ବିଭାଗ ଏବେ ଏନେଇ ଇଣ୍ଡିଆନ୍ ମିଶନକୁ ଚିଠି ଲେଖିଛି । ଏହି ମିଶନ ବିଶ୍ୱରେ ଥିବା ଯୋଗାଣକାରୀଙ୍କୁ ଚିହ୍ନଟ କରି ସରକାରଙ୍କୁ ଅବଗତ କରାଇବାକୁ ବାଣିଜ୍ୟ ବିଭାଗ କହିଛି ।
Comments are closed.