କଂଗ୍ରେସ ସରକାରରେ ବିଜୁଳି ରହୁନଥିଲା, ତେଣୁ ଜନସଂଖ୍ୟା ବଢ଼ିଯାଇଛି: କେନ୍ଦ୍ରମନ୍ତ୍ରୀ ପ୍ରହଲ୍ଲାଦ ଯୋଶୀ

ହୁବୁଳି: କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲ୍ଲାଦ ଯୋଶୀ ଗୁରୁବାର କଂଗ୍ରେସକୁ ଟାର୍ଗେଟ କରିବାକୁ ଯାଇ ଏକ ବିବାଦୀୟ ମନ୍ତବ୍ୟ ଦେଇଛନ୍ତି । ଯେଉଁଥିରେ ସେ ଜନସଂଖ୍ୟା ବଢ଼ିବାରା କାରଣ ବାବଦରେ ଉଲ୍ଲେଖ କରିଛନ୍ତି। ସେ କହିଛନ୍ତି, କଂଗ୍ରେସ ସରକାର ସମୟରେ ବିଜୁଳି ସେବା କମ୍ ରହୁଥିଲା। ତେଣୁ ଜନସଂଖ୍ୟା ବଢିଯାଇଛି। କର୍ଣ୍ଣାଟକରେ ଆଗକୁ ବିଧାନସଭା ନିର୍ବାଚନ ରହିଛି । ଏବେ ନିର୍ବାଚନୀ ପ୍ରଚାର ଚାଲିଛି । ଏହି ସମୟରେ ବିରୋଧୀ କଂଗ୍ରେସକୁ ଟାର୍ଗେଟ କରିବାକୁ ଯାଇ ଯୋଶୀ ଏପରି ଏକ ବୟାନ ଦେଇଛନ୍ତି।

ଯୋଶୀ କହିଛନ୍ତି ଯେ କଂଗ୍ରେସ ସେମାନଙ୍କ ଶାସନ କାଳରେ କମ୍ ବିଜୁଳି ସେବା ଯୋଗାଉଥିଲା। କଂଗ୍ରେସ ଶାସନ ସମୟରେ ଜନସଂଖ୍ୟା ବୃଦ୍ଧି ପାଇଥିଲ। ଏହାର କାରଣ ସେମାନେ ଠିକ୍ ଭାବରେ ବିଦ୍ୟୁତ ସେବା ଦେଇପାରିଲେ ନାହିଁ। ଏହା ପୂର୍ବରୁ ମଙ୍ଗଳବାର କେନ୍ଦ୍ରମନ୍ତ୍ରୀ କହିଥିଲେ ଯେ ଦୀର୍ଘ ଦିନ ଧରି କ୍ଷମତାରୁ ଦୂରରେ ରହିବା କାରଣରୁ କଂଗ୍ରେସ ମାନସିକ ସନ୍ତୁଳନ ହରାଇ ବସିଛି। ସେହିପରି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ମଧ୍ୟ ଟାର୍ଗେଟ କରିଛନ୍ତି ପ୍ରହଲ୍ଲାଦ ଯୋଶୀ। ସେ କହିଥିଲେ ଯେ ରାହୁଲ ଗାନ୍ଧୀ କହିଥିଲେ ଯେ ତାଙ୍କୁ ସଂସଦରେ କହିବାକୁ ଅନୁମତି ନାହିଁ, ଏବଂ ଯେତେବେଳେ ସେ ସଂସଦରେ କହୁଥିଲେ ସେତେବେଳେ ସେ ବିନା କୌଣସି ତଥ୍ୟରେ ଅଭିଯୋଗ କରୁଥିଲେ। ସତ୍ୟତା ସମ୍ପର୍କରେ ପଚରାଯିବାରୁ ସେ କୌଣସି ଆଧାର ଦେଇନଥିଲେ। ଲୋକସଭା ଓ ରାଜ୍ୟସଭାରେ ବାଚସ୍ପତି ଓ ଅଧ୍ୟକ୍ଷଙ୍କ ବିରୋଧରେ ଏଭଳି ଅଭିଯୋଗ ଆଣିବା ଅତ୍ୟନ୍ତ ଦୁର୍ଭାଗ୍ୟଜନକ।

Hassan, Karnataka | Congress gave less electricity during their regime. The population increased during the congress regime because they couldn't give electricity properly: Union Minister Pralhad Joshi pic.twitter.com/Su8HOHGMeT

— ANI (@ANI) March 9, 2023

କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ମଧ୍ୟ କଂଗ୍ରେସକୁ କଡ଼ା ସମାଲୋଚନା କରିଛନ୍ତି। ଦୁର୍ନୀତି ଉପରେ ଆଲୋଚନା କରିବା ପାଇଁ କଂଗ୍ରେସ ଦଳର ନୈତିକ ଅଧିକାରର ଅଭାବ ରହିଛି ବୋଲି ସେ ଦାବି କରିଛନ୍ତି। ପ୍ରହ୍ଲାଦ ଯୋଶୀଙ୍କ କହିବା ଅନୁଯାୟୀ, ଲୋକାୟୁକ୍ତର ରେଡ ପାଇଁ ରାଜ୍ୟ ପ୍ରଶାସନ ପ୍ରଶଂସାର ପାତ୍ର। ତାଙ୍କ ଦଳ ବିଜେପି ଏହି ଚଢାଉକୁ ଅଟକାଇ ପାରିଥାନ୍ତୁ କାରଣ ଉଭୟ କେନ୍ଦ୍ର ଏବଂ ରାଜ୍ୟରେ ତାଙ୍କର ସରକାରରେ ରହିଛି। କିନ୍ତୁ ତାଙ୍କ ସରକାର ଏହା କରିନାହିଁ। ଯିଏ ଭୁଲ୍ କରିବ ତାକୁ ଦଣ୍ଡ ମିଳିବା ଦରକାର ବୋଲି ସେ କହିଛନ୍ତି।

ଏହା ପୂର୍ବରୁ ସୋମବାର କର୍ଣ୍ଣାଟକ ବିଜେପି ଅଧ୍ୟକ୍ଷ ନଳିନ କୁମାର କଟିଲ୍ ରାହୁଲ ଗାନ୍ଧୀଙ୍କୁ କଟାକ୍ଷ କରି କହିଥିଲେ ଯେ କଂଗ୍ରେସ ନେତା ରାହୁଲ ଗାନ୍ଧୀ ନପୁଂସକ ହୋଇଥିବାରୁ ବିବାହ କରୁନାହାନ୍ତି। ସେ କହିଛନ୍ତି ଯେ ରାହୁଲ ଗାନ୍ଧୀ ଜାଣନ୍ତି ଯେ ସେ ପିଲା ଜନ୍ମ କରିପାରିବେ ନାହିଁ, ଯେଉଁଥିପାଇଁ ସେ ବିବାହ କରିବାକୁ ଆଗ୍ରହ ପ୍ରକାଶ କରୁନାହାନ୍ତି। ରାହୁଲ ଗାନ୍ଧୀଙ୍କ ଉପରେ ନିଜର ଦାବିକୁ ପ୍ରମାଣିତ କରିବା ପାଇଁ ସେ କର୍ଣ୍ଣାଟକ ଏମ୍ଏଲସର ମଞ୍ଜୁନାଥଙ୍କ ଉଦାହରଣ ମଧ୍ୟ ଦେଇଥିଲେ।