ଦୋହା: ଭାରତର ଦ୍ରୁତତମ ମହିଳା ତଥା ଓଡ଼ିଆ ସ୍ପ୍ରିଣ୍ଟର୍ ଦୂତୀ ଚାନ୍ଦଙ୍କୁ ନେଇ ଏବେ ଚାଲିଛି ଭାରତୀୟ କ୍ରିଡ଼ାଜଗତରେ ଚର୍ଚ୍ଚା । ଭାରତୀୟ ଆଥଲେଟ ଭାବେ ୧୦୦ ମିଟର୍ ଅଲିମ୍ପିକ୍ସ ଯୋଗ୍ୟତା ଅର୍ଜନ କରିବା ଲକ୍ଷ୍ୟରେ ରହିଛନ୍ତି ଦୂତୀ ଚାନ୍ଦ ।
Speed training pic.twitter.com/zy1oBh2Yl4
— Dutee Chand (@DuteeChand) September 21, 2019
ଆସନ୍ତା ସେପ୍ଟେମ୍ବର ୨୭ ତାରିଖରୁ ଦୋହାରେ ଅନୁଷ୍ଠିତ ହେଉଛି ‘ବିଶ୍ୱ ଦୌଡ଼କୁଦ ପ୍ରତିଯୋଗିତା’ । ଏହି ୱାର୍ଲ୍ଡ ଆଥଲେଟିକ୍ସ ଚାମ୍ପିୟନସିପର ୧୦୦ ମିଟର ଦୌଡ଼ ପ୍ରତିଯୋଗିତାରେ ଭାଗନେବାକୁ ଦୂତୀ କାତାରର ଦୋହାରେ ପହଞ୍ଚିଗଲେଣି । ଆସନ୍ତା ଶନିବାର ଦିନ ଦୂତୀ ଏହି ଦୌଡ଼କୁଦର ପ୍ରତିଦ୍ୱନ୍ଦ୍ୱିତାରେ ସାମିଲ୍ ହେବେ ।
Ready to practice pet world championship at doha pic.twitter.com/jlJjcMByQo
— Dutee Chand (@DuteeChand) September 25, 2019
ଏହି ପ୍ରତିଯୋଗିତାରେ ଭାରତର ବଛା ବଛା ୩୦ ଜଣ ଶ୍ରେଷ୍ଠ ଆଥଲେଟ ଅଂଶଗ୍ରହଣ କରୁଥିଲେ ମଧ୍ୟ ଭାରତୀୟ କ୍ରୀଡ଼ାପ୍ରେମୀମାନଙ୍କ ନଜର୍ ରହିଛି ସ୍ପ୍ରିଣ୍ଟ୍ କୁଇନ୍ ଦୂତୀଙ୍କ ଉପରେ ।
Want to get in #WorldAthleticsChamps mood?
All @IAAFDoha2019 previews in one spot ?
?: https://t.co/fnTyHyyGfM pic.twitter.com/TQg7Vm0DRU
— IAAF (@iaaforg) September 25, 2019
ପୂର୍ବରୁ ଦୂତୀ ଏସୀୟ ଦୌଡ଼କୁଦରେ ବ୍ରୋଞ୍ଜ୍ ପଦକ ହାସଲ କରିପାରିଛନ୍ତି । ମାତ୍ର, ଦୂତୀ ଏହି ପ୍ରତିଯୋଗିତାରେ ଶ୍ରେଷ୍ଠତ୍ୱ ଜାହିର କରି ଅଲିମ୍ପିକ୍ସ ଲାଗି ଯୋଗ୍ୟତା ଅର୍ଜନ କରନ୍ତୁ ଏହା ଚାହୁଁଛନ୍ତି କୋଟି କୋଟି ଭାରତୀୟ କ୍ରୀଡ଼ାପ୍ରେମୀ ।
ଇତିମଧ୍ୟରେ ଦୂତୀ ଏହି ବିଶ୍ୱ ଚାମ୍ପିୟନସିପ ଲାଗି ନିଜର ଦୌଡ଼ ତାଲିମ ସଫଳତାର ସହିତ ସମାପ୍ତ କରିପାରିଛନ୍ତି ବୋଲି ଟ୍ୱିଟ୍ କରି ଦୂତି ନିଜର ଫ୍ୟାନମାନଙ୍କୁ ସୂଚନା ଦେଇଛନ୍ତି । ଏହି ପ୍ରତିଯୋଗିତାରେ ସଫଳତା ହାସଲ ଲାଗି ଦୂତୀ କଠିନ ପରିଶ୍ରମ କରିଛନ୍ତି । ଦିନରେ ପ୍ରାକ୍ଟିସ କରିବା ବ୍ୟତୀତ ରାତିରେ ମଧ୍ୟ ଦୂତି ଅଭ୍ୟାସ କରିଛନ୍ତି । ଦୋହାର ଜଳବାୟୁ ସହିତ ପରିଚିତ ହୋଇ ସେଠାରେ ବିଶ୍ୱସ୍ତରୀୟ ପ୍ରତିଯୋଗୀମାନଙ୍କୁ ଟକ୍କର ଦେବା ଲକ୍ଷ୍ୟରେ ରହିଛନ୍ତି ଏହି ଚର୍ଚ୍ଚିତ ମହିଳା ସ୍ପ୍ରିଣ୍ଟର୍ ଦୂତୀ ଚାନ୍ଦ ।
ଦୂତୀ ଚାନ୍ଦ ୨୦୨୦ରେ ଜାପାନରେ ଅନୁଷ୍ଠିତ ହେବାକୁ ଥିବା ଟୋକିଓ ଅଲିମ୍ପିକ୍ସର ୧୦୦ ମିଟର ଦୌଡ଼ ପ୍ରତିଯୋଗିତାରେ ଯୋଗ୍ୟତା ଅର୍ଜନ କରିବା ଲାଗି ଚେଷ୍ଟା କରିବେ ।
Comments are closed.